قوستاناي وبلىسىنداعى "قايراق" باقىلاۋ بەكەتىنىڭ شەكاراشىلارى رەسەي اسىپ بارا جاتقان جۇك كولىگىنەن 10 توننا التىن كەنىن تاپتى, - دەپ حابارلايدى Egemen.kz.
كولىكتەگى جۇك قۇجات بويىنشا كۆارتسيت مينەرالى دەپ رەسىمدەلگەن. ۇيدەي-ۇيدەي 12 ۇلكەن قاپقا سالىنعان التىن كەنىنىڭ ءار تونناسىنان كەم دەگەندە 1 كەلى تازا التىن الۋعا بولادى ەكەن.
"قازاقستان رەسپۋبليكاسى ازاماتى مىنگەن "ۆولۆو" ماركالى جۇك كولىگى 27 شىلدە 2020 جىلعى ساعات 18:45-تە شەكارالىق باقىلاۋ بەكەتىندە تەكسەرىستەن ءوتۋ بارىسىندا ۇستالدى. ۇلتتىق بانكتىڭ مالىمەتىنە سۇيەنسەك, 1 گرامم التىننىڭ نارىقتاعى قۇنى – 25 213 تەڭگە. سوندا مەملەكەتكە كەلتىرىلگەن شىعىن كولەمى شامامەن 250 ملن تەڭگە بولادى", - دەدى قر ۇقك شەكارا قىزمەتى قوستاناي وبلىسىنداعى دەپارتامەنتىنىڭ ءباسپاسوز حاتشىسى ماناربەك كارەكەنوۆ.
قوستاناي وبلىسى