«Team Kazakhstan» اكادەمياسىنىڭ تۇلەگى دانا بايداۋلەت ۋكراينانىڭ باس شاھارى – كيەۆتە وتكەن م.ۆ.بالۆانىڭ مەموريالىنا ارنالعان ءتۋرنيردىڭ جەڭىمپازى اتاندى, دەپ حابارلادى ۇوك ءباسپاسوز قىزمەتى.
ىرىكتەۋ كەزەڭىندە بارلىق قارسىلاسىنان باسىم تۇسكەن وتانداسىمىز فينالدا جارىس قوجايىنى ولەسا رەۆۆانى ەكى سەتتە 7:5, 7:5 ەسەبىمەن جەڭىپ, جەكەلەي سىندا توپ جاردى. قانداسىمىز جارتىلاي فينالدا داريا ءجۋريدتى 0:6, 6:0, 6:2 ەسەبىمەن ۇتسا, شيرەك فينالدا سوفيا چەرنومورسكپەن كەزدەسىپ, 6:2, 6:0 ەسەبىمەن ايلاسىن اسىردى. ەكىنشى كەزەڭدە ۆالەريا كورنەەۆانى 6:1, 6:0 ۇپايىمەن, ءبىرىنشى اينالىمدا ماريا پوپوۆانى 6:0, 6:0 ەسەبىمەن ايقىن باسىمدىقپەن جەڭدى.
سونداي-اق دانا بايداۋلەت داريا جاريدپەن بىرگە جۇپتىق كەزەڭدە دە جەڭىسكە جەتتى. ولار فينالدا ولەسا رەۆۆا جانە اننا مەدۆەدەۆا جۇبىمەن كەزدەسىپ, 6:3, 7:6 ەسەبىمەن قاپى قالدىردى.