قۇرلىقتىق حوككەي ليگاسىندا (قحل) ونەر كورسەتەتىن ەلوردانىڭ «بارىس» كلۋبى الداعى ماۋسىمدا كوماندانى جاتتىقتىراتىن باپكەرلەر قۇرامىن جاريالادى.
قحل-ءدىڭ 2020/21 جىلعى ماۋسىمىندا باس باپكەر يۋري ميحايليسكە گەورگي ۆەرەششاگين, الەكساندر شيمين, اندرەي شايانوۆ جانە الەكساندر احتسيگەر سەكىلدى تاجىريبەلى ماماندار كومەكتەسەتىن بولدى. اتالعان ماماندار بۇرىننان ءميحايليستىڭ جانىندا جۇرگەن سەنىمدى ارىپتەستەرى. اتاپ ايتار بولساق, قاراعاندى حوككەي مەكتەبىنىڭ تۇلەگى گەورگي ۆەرەششاگين «نوماند» كلۋبىندا يۋري ءميحايليستىڭ كومەكشىسى بولعان. اندرەي شايانوۆتىڭ ەسىمى دە جانكۇيەرلەرگە جاقسى تانىس. وسكەمەن حوككەي مەكتەبىنىڭ تۇلەگى, رەسەيدىڭ ەڭبەك سىڭىرگەن جاتتىقتىرۋشىسى بىرنەشە جىل بۇرىن «بارىس» كلۋبىنىڭ باس باپكەرى قىزمەتىن اتقارعان. ال كەيىنگى جىلى «سنەجنىە بارسى» كلۋبىنىڭ باپكەرلىك شتابىندا بولعان. احتسيگەر ۇزاق جىلدان بەرى «بارىس» كلۋبىندا ەڭبەك ەتىپ كەلسە, الەكساندر شيمين «بارىسقا» ەكى جىل بۇرىن كەلگەن.
ايتا كەتەيىك, كەشە كلۋبتىڭ ءباسپاسوز قىزمەتى 10 تامىزدان باستاپ حوككەيشىلەر وقۋ-جاتتىعۋ جيىنىنا كىرىسەتىنىن مالىمدەدى.