قۇرلىقتىق حوككەي ليگاسى (قحل) جاڭا ماۋسىمنىڭ كۇنتىزبەسىن جاساپ شىقتى. بۇل تۋرالى ۇيىمنىڭ رەسمي سايتى مالىمدەدى.
قحل باسشىلىعى تۇراقتى بىرىنشىلىككە قاتىساتىن كوماندالاردىڭ قاتىساتىن سانىنا بايلانىستى بىرنەشە كۇنتىزبەنىڭ جوسپارىن دايىنداعان. 2020/2021 جىلعى ماۋسىمنىڭ كەستەسىن كەلەسى اپتادا ديرەكتورلار كەڭەسىمەن اقىلداسا وتىرىپ بەكىتەتىن بولادى.
«كوماندالار مەن جانكۇيەرلەر الداعى ماۋسىمنىڭ رەسمي كەستەسىن شىلدە ايىنىڭ سوڭىنا دەيىن بىلە الادى. تامىز ايىنىڭ ورتاسىندا تۋرنيرگە قاتىساتىن كلۋبتار جەكە-جەكە ءوتىنىش پەن قۇجاتتارىن تاپسىرادى. جالپى قحل بيىلعى ماۋسىمدى 2 قىركۇيەكتە باستاۋعا تولىق دايىن» دەلىنگەن ۇيىمنىڭ رەسمي حابارلاماسىندا.