قۇرلىقتىق حوككەي ليگاسىندا ونەر كورسەتەتىن ەلوردانىڭ «بارىس» كومانداسىنىڭ ەلدەگى ەپيدەميالىق احۋالعا بايلانىستى تۇراقتى بىرىنشىلىكتىڭ بيىلعى ماۋسىمىنا قاتىسا الماي قالۋى مۇمكىن ەكەندىگى ايتىلىپ جاتىر.
جۋىردا وسى ماسەلەگە بايلانىستى قحل پرەزيدەنتى الەكسەي موروزوۆ ارنايى مالىمدەمە جاسادى. ونىڭ ايتۋىنشا, «بارىس» تۋرنيرگە قاتىسۋعا نيەتتى. ء«بىز ءاردايىم بىرىنشىلىككە قاتىساتىن ەلدەردىڭ جاعدايىن باقىلاپ وتىرامىز. وكىنىشكە قاراي, قازىر قازاقستانداعى جاعداي قيىن ەكەنىن بىلەمىز. «بارىستىڭ» ماۋسىمنان باس تارتاتىنى تۋرالى مالىمەت جالعان. قازاقستان كومانداسى بيىل دا باس جۇلدە ءۇشىن تالاسۋعا نيەتتى. قحل-ءدىڭ باستالۋىنا ءالى ءبىر جارىم اي بار. وسى ۋاقىت ارالىعىندا جاعداي تۇراقتالادى دەپ سەنەمىز», دەيدى موروزوۆ.
ايتا كەتەيىك, «بارىس» بىلتىرعى ماۋسىمدا «شىعىس» كونفەرەنتسياسىندا ەكىنشى, چەرنىشەۆ ديۆيزيونىندا ءبىرىنشى ورىن يەلەندى. جالپى ليگادا ءتورتىنشى ورىنعا تۇراقتادى.