كاسىپقوي تەننيس اسسوتسياتسياسى (ATP) كوروناۆيرۋسقا بايلانىستى سپورتتىق جارىستار ۋاقىتشا توقتاتىلعان سوڭ جىل اياعىنا دەيىن سپورتشىلاردىڭ رەيتينگى ساقتالاتىنىن مالىمدەدى.
سپورتشىلاردىڭ رەيتينگى ناۋرىزدىڭ ورتاسىنان باستاپ سپورتتىق جارىستارمەن بىرگە ۋاقىتشا توقتاتىلعان-دى. جۋىردا اتر باسشىلىعى تەننيسشىلەردىڭ رەيتينگى 2020 جىلدىڭ سوڭىنا دەيىن ساقتالاتىنىن ايتتى. دەسە دە سپورتشىلار بيىلعى كۇنتىزبەدە ساقتالعان تۋرنيرلەردە بىلتىرعى جىلعا قاراعاندا جاقسى ونەر كورسەتسە, قاجەتتى ۇپايىن جيناي الادى. بىراق ۇپايى 2021 جىلى رەيتينگ ەرەجەلەرى بۇرىنعى قالپىنا كەلگەندە عانا قوسىلادى.
اتر پىكىرىنشە, جاڭا رەيتينگ جۇيەسى دەنساۋلىق جاعدايىنا نەمەسە قاۋىپسىزدىك ماقساتىندا 2020 جىلعى تۋرنيرلەرگە قاتىسۋدان باس تارتقان بارلىق تەننيسشىلەرگە قاتىستى ءادىل ءارى قولايلى شەشىم بولماق. قاجەت بولعان جاعدايدا بۇل جۇيە ءارى قاراي كۇنتىزبەدەگى وزگەرىستەرگە ساي بەيىمدەلۋى مۇمكىن.