قوستاناي وبلىسىندا جۇرگىزىلگەن رەيد شارالارى بارىسىندا رەسەيدەن ءدارى-دارمەك اكەلىپ, ونىڭ ۇستىنە 30% ۇستەمە باعا قوسىپ ساتپاق بولعان 29 جاستاعى قوستاناي قالاسىنىڭ تۇرعىنى ۇستالدى, دەپ حابارلايدى Egemen.kz
پوليتسيا قىزمەتكەرلەرى الىپساتاردىڭ كولىگىنەن ينفەكتسيالىق اۋرۋلاردى ەمدەۋگە پايدالانىلاتىن 18 ءتۇرلى 200-دەن استام قاپتاما ءدارى تابىلعانىن مالىمدەدى. زاڭسىز ساتىلىمداعى دارىلەردىڭ ىشىندە پاراتسەتامول, اتسەتيلتسيستەين, اسپيرين سياقتى الەۋمەتتىك ماڭىزعا يە پرەپاراتتار بار.
اتالمىش وقيعاعا قاتىستى قر قك 214 بابىنىڭ 1 بولىمىندە كورسەتىلگەن "زاڭسىز كاسىپكەرلىكپەن اينالىسۋ" قىلمىسى بويىنشا سوتقا دەيىنگى تەرگەۋ امالى ءجۇرىپ جاتىر.
سونداي-اق, ءتارتىپ ساقشىلارى وبلىس ورتالىعىنداعى دۇكەندەردىڭ بىرىندە مەديتسينالىق ماسكا ساتىپ تۇرعان 50 جاستاعى ەر ادامدى ۇستاعان. ءدال وسىنداي وقيعا توبىل قالاسىندا دا ورىن الىپ وتىر.
"ەكى وقيعاعا قاتىستى ماتەريالدار تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جىبەرىلدى", دەپ حابارلادى پد-ءنىڭ ءباسپاسوز قىزمەتى.
قوستاناي وبلىسى