الەمدەگى ەڭ بەلدى ۇيىم – UFC ءوزىنىڭ كەزەكتى جارىسىن 11 شىلدەدە ءابۋ-دابي ء(باا) قالاسىندا وتكىزبەك. سول UFC 251 تۋرنيرىندە قازاقستاندىق ارالاس جەكپە-جەك وكىلى جالعاس جۇماعۇلوۆتىڭ ونەر كورسەتەتىنىن دە جانكۇيەرلەر جاقسى بىلەدى.
كۇنى كەشە وتانداسىمىزدىڭ جەكپە-جەك الدىندا وكتاگونعا قانداي اۋەنمەن شىعاتىنى بەلگىلى بولدى. جۇماعۇلوۆ ءوزىنىڭ الەۋمەتتىك جەلىدەگى پاراقشاسىندا الداعى ايقاسقا «كوڭىل تولقىنى» كۇيىمەن شىعاتىنىن مالىمدەدى. وسىدان ەكى-ءۇش كۇن بۇرىن قانداسىمىز جارىس وتەتىن ءباا-گە بارىپ, ۆيرۋسقا تەست تاپسىردى. ناتيجەسى تەرىس شىققان سوڭ جاتتىعۋعا كىرىستى.
ايتا كەتەيىك, جالعاس جۇماعۇلوۆ اتالعان جەكپە-جەك كەشىندە برازيليالىق راۋليون پايۆامەن جۇدىرىقتاسادى. پايۆا بۇگىنگە دەيىن UFC-دە ءۇش كەزدەسۋ وتكىزىپ, بىرەۋىندە جەڭىسكە جەتسە, ەكەۋىندە جەڭىلىپ قالعان.