پاندەمياعا بايلانىستى كەيىنگە شەگەرىلگەن «فورمۋلا-1» جارىسىنا دا ستارت بەرىلدى. ماۋسىمنىڭ العاشقى جارىسى اۋستريا گران-پريىمەن باستالدى.
جىلدىڭ العاشقى باسەكەسىندە Mercedes كلۋبىنىڭ وكىلى ۆالتتەري بوتتاس جەڭىمپاز اتاندى. 2011 جىلدان باستاپ «فورمۋلا-1» جارىسىنا قاتىسىپ كەلە جاتقان فينليانديالىق اۆتوشاباندوز وسىمەن جالپى سانى 8 كەزەڭدە مارە سىزىعىن ءبىرىنشى بولىپ كەستى. 30 جاستاعى سپورتشى 2017 جىلدان بەرى Mercedes كومانداسىندا ونەر كورسەتەدى.
اۋستريا گران-پريىندە ەكىنشى ورىندى Ferrari وكىلى شارل لەكلەر يەلەنسە, ۇزدىك ۇشتىكتى McLaren اۆتوشاباندوزى لاندو نورريس تۇيىندەدى. جارىستىڭ وتكەن جىلعى چەمپيونى, Mercedes كلۋبىنىڭ تاعى ءبىر وكىلى ليۋيس حەميلتون مارە سىزىعىن ەكىنشى بولىپ كەسكەن ەدى, الايدا جارىس ەرەجەسىن بۇزعانى ءۇشىن ۋاقىتى 5 سەكۋندقا شەگەرىلىپ, باسەكەنى 4-ورىنمەن قورىتىندىلادى.