كوروناۆيرۋس پاندەمياسىنا بايلانىستى ۋاقىتشا توقتاتىلعان فۋتبولدان قازاقستان چەمپيوناتى 1 شىلدەدە قايتا باستالعان ەدى. الايدا ارادا ەكى-ءۇش كۇن وتكەندە بىرىنشىلىكتىڭ تاعى دا ەكى اپتا كەيىنگە شەگەرىلدى.
بارشاعا ءمالىم, ەلدەگى ەپيدەميالىق جاعدايدىڭ ۋشىعۋىنا جانە COVID-19 ۆيرۋسىمەن اۋىرعان ادامدار سانىنىڭ وسۋىنە بايلانىستى كوروناۆيرۋس ينفەكتسياسى تارالۋىنىڭ الدىن الۋ مەملەكەتتىك كوميسسيانىڭ شەشىمىمەن ەلدە 2020 جىلدىڭ 5 شىلدەسىنەن باستاپ 14 كۇنگە سوزىلاتىن بىرقاتار شەكتەۋ ەنگىزىلدى. شەكتەۋ تالاپتارى بويىنشا سپورتتىق ءىس-شارالاردى وتكىزۋگە تىيىم سالىنعان. ەپيدەميالىق جاعدايدىڭ وزگەرۋىنە بايلانىستى شەكتەۋ شارالارى تاعى دا 2 اپتاعا سوزىلۋى نەمەسە كۇشەيتىلۋى مۇمكىن.
وسىعان وراي OLIMPBET-فۋتبولدان قازاقستان چەمپيوناتى 14 كۇنگە توقتاتىلدى. ەگەر ەپيدەميالىق جاعداي ۋشىعىپ جاتسا, اتالعان ءۇزىلىس سوزىلۋى مۇمكىن.