قوعام قايراتكەرى قۋات ەسىمحانوۆتىڭ ۇيىمداستىرۋىمەن ءنابي ايتجانوۆ باستاعان 4-5 جاس كəىپكەردىڭ قارجىلاي قولداۋى ارقىلى تۇلعانى ماڭگى ەستە قالدىرۋ شاراسى جۇزەگە استى, - دەپ جازادى Egemen.kz
وسىلايشا, قازاقستاننىڭ ەڭبەك ەرى, كەڭەس وداعىنىڭ حالىق ءارتيسى, مەملەكەتتىك سىيلىقتىڭ لاۋرەاتى, كومپوزيتور ەركەعالي راحماديەۆ تۇرعان ءۇيدىڭ قابىرعاسىنا ەسكەرتكىش تاقتا ءىلىندى. ەسكەرتكىش تاقتانى ورناتۋ ماسەلەسىنە قاتىستى قازاقستاننىڭ "تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى" زاڭىنا سۇيەنگەن نۇر-سۇلتان قالاسى اكىمدىگىنىڭ ارنايى قاۋلىسى دا بار.
ەلوردانىڭ "سارىارقا" اۋدانىنداعى بوگەنباي باتىر داڭعىلى 36ا مەكەن-جايىندا ورنالاسقان بۇل كوپقاباتتى ۇيدە كومپوزيتور 2003-2013 جىلدارى عۇمىر كەشكەن بولاتىن. ەسكەرتكىش تاقتانىڭ اۆتورى ءمۇسىنشى – اسحات كاكىمجانوۆ.