اقىل-ەسى كەم سپورتشىلار اراسىندا ۇيىمداستىرىلاتىن 2022 جىلعى قىسقى وليمپيا ويىندارىن رەسەيدىڭ قازان قالاسى قابىلدايدى. مۇنداي ارنايى وليمپيادا سوڭعى رەت 2017 جىلى اۋستريادا وتكەن ەدى.
«2022 جىلعى ويىندار Special Olympics International ۇرانىمەن وتەتىن العاشقى حالىقارالىق شارا بولماق. ويىندار مىڭ جىلدىق تاريحى بار تاتارستان استاناسى – قازان قالاسىندا وتەدى. قازان سوڭعى 10 جىلدىڭ ىشىندە ءىرى سپورتتىق شارالاردى: 2013 جىلعى بۇكىلالەمدىك جازعى ۋنيۆەرسيادانى, 2015 جىلعى سۋ سپورتى تۇرلەرى بويىنشا الەم چەمپيوناتىن, فۋتبولدان الەم چەمپيوناتىنىڭ ماتچتارىن وتكىزگەن بولاتىن», دەلىنگەن ۇيىمداستىرۋشىلاردىڭ حابارلاماسىندا.
جالپى, قىسقى ويىندارعا 108 مەملەكەتتىڭ ەكى مىڭعا جۋىق سپورتشىسى قاتىسادى دەپ جوسپارلانعان.