قازاقستاننىڭ «استانا» ۆەلوكومانداسى الەمدىك «تۋر دە فرانس» ونلاين ۆەلوجارىسىنا قاتىساتىنىن رەسمي تۇردە مالىمدەدى.
ۆەلوجارىستىڭ ءبىرىنشى كەزەڭى 4 شىلدەگە جوسپارلانعان. سەنبىدە باستالاتىن دودا التى كەزەڭنەن تۇرادى. ۆەلوشاباندوزدار 19 شىلدەگە دەيىن ءوزارا مىقتىنى انىقتايدى. جارىس ەرەجەسى بويىنشا ءبىر كەزەڭگە 4 سپورتشىدان قاتىسا الادى. تاۋلى, سپرينتەر جانە كلاسسيفيكاتسيالىق ناتيجەلەر بويىنشا جارىس قورىتىندىسى شىعادى.
قازىرگى تاڭدا تۋرنيرگە بارلىعى 39 كوماندا تىركەلگەن. ايتا كەتەيىك, ۆەلوشاباندوزداردىڭ بەيرەسمي الەم چەمپيوناتى سانالاتىن «تۋر دە فرانس» ۆەلوجارىسىنىڭ نەگىزگى باسەكەسى بيىل 29 تامىز بەن 20 قىركۇيەك ارالىعىندا وتەتىنى بەلگىلى. 21 كەزەڭنەن تۇراتىن ۆەلودودانىڭ جارىس جولىنىڭ ۇزاقتىعى ءتورت مىڭ شاقىرىمعا جۋىق.