COVID-19 ىندەتىنە بايلانىستى وليمپيا ويىندارى كەيىنگە شەگەرىلگەننەن سوڭ حالىقارالىق گيمناستيكا فەدەراتسياسى جارىس كۇنتىزبەسىنە وزگەرىس ەنگىزدى, دەپ حابارلادى ۇوك ءباسپاسوز قىزمەتى.
جاڭارتىلعان كۇنتىزبەگە سايكەس, كوركەم گيمناستيكادان ءبىرىنشى الەم كەزەڭىنىڭ وتەتىن ۋاقىتى بەلگىلى بولدى. باستاپقىدا اتالعان دودالار كەيىنگە شەگەرىلگەن بولاتىن. ناتيجەسىندە, بارلىق كەزەڭ 2021 جىلعا اۋىستىرىلدى.
كەستە بويىنشا كەلەسى جىلعى الەم كۋبوگىنىڭ جارىستارى مىنا قالالاردا وتەدى: سوفيا (بولگاريا) – 2021 جىلدىڭ 9-11 ءساۋىرى, تاشكەنت (وزبەكستان) – 2021 جىلدىڭ 16-18 ءساۋىرى, باكۋ (ازەربايجان) – 2021 جىلدىڭ 7-9 مامىرى, پەسارو (يتاليا) – 2021 جىلدىڭ 28-30 مامىرى.