كوروناۆيرۋس ەپيدەمياسىنىڭ ورشۋىنە بايلانىستى اۋرۋحانالاردا قورعانىس قۇرالدارى جەتىسپەۋشىلىگى بايقالادى. سوندىقتان, دارىگەرلەر دايۆينگ بەتپەردەسىن قولدانا باستادى, - دەپ حابارلايدى Egemen.kz
يتاليانىڭ مەديتسينالىق مەكەمەلەرى دارىگەر رەناتو فاۆەرونىڭ ۇسىنىسىمەن ازىرلەنگەن دايۆينگ بەتپەردەسىن قازىردىڭ وزىندە پايدالانىپ جاتىر. ول باسقا ورتالىقتاردان پايدالانباي جۇرگەن بەتپەردەلەرىن سۇراستىرىپ, ەل يگىلىگىنە اسىرىپ ءجۇر.
ءبىر قىزىعى, 3D باسىپ شىعاراتىن كومپانيانىڭ كومەگىمەن جوعارى ءارى ءتيىمدى مەديتسينالىق سۇزگىلەردى ورناتۋعا مۇمكىندىك بەرەتىن ارنايى اداپتەر ازىرلەنگەن. ۆيرۋسان قورعانۋدا كادىمگى مەديتسينالىق ماسكادان كەم بولمايتىن بۇل بەتپەردەلەردى اقش-تىڭ ونىمدەر مەن ءدارى-دارمەكتەردى باقىلاۋ جونىندەگى اگەنتتىك تە ماقۇلداپ وتىر. دايۆينگ بەتپەردەلەرى قورعانىس قۇرالدارى رەتىندە وتە جاقسى جۇمىس ىستەيدى. مۇقيات دەزينفەكتسيالاۋدان كەيىن ولاردى قايتا پايدالانا بەرۋگە دە بولادى.