حالىقارالىق كونكيمەن جۇگىرۋشىلەر وداعىنىڭ (ISU) سپورتشىلاردى ماراپاتتاۋى ونلاين فورماتتا وتەدى. جۇلدە تابىستاۋ ءراسىمى 11 شىلدەگە جوسپارلانعان.
ISU جۇلدەسى بيىل مانەرلەپ سىرعاناۋدان مونرەالدا ءوتۋى ءتيىس بولعان الەم چەمپيوناتىنىڭ سوڭعى كۇنىندە تابىستالادى دەپ كۇتىلگەن. الايدا الەمدى جايلاعان پاندەمياعا بايلانىستى بىرىنشىلىك وتكىزىلمەيتىن بولدى.
وسىلايشا ISU ماراپاتتاۋ ءراسىمىن ISU Skating Awards ونلاين وتكىزۋدى ءجون دەپ شەشىپتى. رەسمي ءىس-شارانى ۇيىمنىڭ الەۋمەتتىك جەلىدەگى پاراقشاسى تىكەلەي ەفيردە كورسەتەدى.