قازاقستانداعى ەۋروپالىق وداق وكىلدىگى تۇڭعىش رەت "ەۋروپا الەمىندە" اتتى ەرتەگىلەر جيناعىن قازاق تىلىندە جارىققا شىعاردى, - دەپ جازادى Egemen.kz
كىتاپ ەۋروپانىڭ مادەني مۇراسىنىڭ بىرىڭعاي توپتاماسى رەتىندە ەۋروپالىق وداق ەلدەرىنىڭ اڭىزدارى مەن باسقا دا ءداستۇرلى ەرتەگىلەرىنىڭ جيناعى. كىتاپتىڭ ماقساتى – ەۋروپا حالىقتارىنىڭ تاڭعاجايىپ حالىق داستۇرلەرىنىڭ ورتاق نەگىزىن تابۋ, سونىمەن بىرگە ەسكى قۇرلىقتىڭ قۇندىلىقتارىنىڭ بىرلىگىن كورسەتۋ.
كىتاپقا ەۋروپالىق وداققا مۇشە 27 ەلدىڭ ارقايسىسىنىڭ حالىق ەرتەگىلەرى, اڭىزدارى مەن ناقىل سوزدەرى كىرگەن. جيناقتاعى كەيبىر اسا سيرەك كەزدەسەتىن ەرتەگىلەر قازاق تىلىندە تۇڭعىش رەت جاريالانىپ وتىر.
ەۋروپالىق وداق ەلشىسى سۆەن-ولوۆ كارلسسون: “قازاقستاندىق وقىرمانداردىڭ باسىم كوپشىلىگى وسى ەرتەگىلەرمەن تانىس ەكەندىگىنە سەنىمدىمىن. مادەنيەت شەكارا تالعامايدى, قۇرلىقتارعا, كەيدە ودان دا تىس ايماقتارعا ءورىس جايادى. سول سەبەپتى, ۇقساستىعىمىز ءبىز ويلاعاننان دا كوپ جانە بۇل كىتاپتىڭ ماقساتى وسى بايلانىستاردى كورسەتۋ”.
كىتاپ دايىنداۋعا جارتى جىل ۋاقىت كەتكەن. بارلىق يلليۋستراتسيالار قازاقستان سۋرەتشىلەر وداعىنىڭ مۇشەلەرى, دارىندى اپالى-ءcىڭىلى عاليا جانە بالقيا قۇسايىنوۆالارمەن (گابو) دايىندالدى. “ەۋروپا الەمىندە” ەرتەگىلەر كىتابىنىڭ ەلەكتروندى نۇسقاسى بارشا وقىرمانعا قولجەتىمدى.