S&P Global Ratings حالىقارالىق رەيتينگ اگەنتتىگى قازاقستاندىق ForteBank رەيتينگىن «kzBBB» ۇلتتىق شكالاسى بويىنشا «B + / B» دەڭگەيىنە جەتكەنىن راستادى, بولجام تۇراقتى قالىپتا.
S&P اگەنتتىگى ساراپشىلارىنىڭ پىكىرىنشە, رەيتينگتەردىڭ راستالۋى بانكتىڭ كاپيتالى مەن وتىمدىلىك رەزەرۆى قازىرگى الەمدىك ەكونوميكالىق قۇلدىراۋ كەزىندە, COVID-19 پاندەمياسىنان جانە مۇناي باعاسىنىڭ تومەندەۋىنەن تۋىنداعان قازاقستانداعى قولايسىز جۇمىس ورتاسىنىڭ قىسىمىنا توتەپ بەرەتىندىگىن بايقاتادى.
«ForteBank-تىڭ وتىمدىلىگى تۇراقتى دەپ ەسەپتەلەدى, بۇل ونىڭ بالانسىندا ءوتىمدى اكتيۆتەردىڭ كوپ مولشەردە ەكەنىن كورسەتەدى. سونىمەن قاتار, ForteBank باسشىلىعى جەرگىلىكتى نارىقتى جاقسى بىلەدى دەپ سانايمىز. تيىسىنشە, بۇل باسقارۋ تاسىلدەرى قولايسىز ەكونوميكالىق جاعدايدا دا بانكتى باسقارۋعا كومەكتەسەدى», دەيدى حالىقارالىق ۇيىمنىڭ وكىلدەرى.
ForteBank باسقارماسىنىڭ توراعاسى گۋرام اندرونيكاشۆيليدىڭ سوزىنە قاراعاندا, قارجى مەكەمەسىنىڭ ۇجىمى S&P ساراپشىلارىنىڭ بانككە دەگەن سەنىمدەرىن كورسەتىپ, بانكتىڭ رەيتينگىن قازىرگى دەڭگەيدە راستاعانىنا قۋانىشتى.
«پاندەميامەن بايلانىستى قۇلدىراي تۇسكەن نارىقتىق جاعدايلارعا قاراماستان, ForteBank جوعارى تيىمدىلىك پەن وڭ قارجىلىق جانە وپەراتسيالىق ناتيجەلەردى ساقتاپ كەلەدى. قارجىلىق كورسەتكىشتەر ءبىزدىڭ كليەنتتەرىمىزدىڭ بانككە دەگەن سەنىمىن ايعاقتايدى. Forte توبى ءبىزدىڭ كليەنتتەرىمىز كۇندەلىكتى قولداناتىن جاڭا ساندىق ونىمدەر مەن قىزمەتتەردى جاساۋ ءۇشىن ۇنەمى ىزدەنىس ۇستىندە بولادى», دەيدى باسقارما توراعاسى.