بۇل كۇندەرى بارلىق باق وكىلدەرى تانىمال برازيليالىق شابۋىلشى ۆاگنەر لاۆتىڭ بيىلعى ماۋسىمدا الماتىنىڭ "قايرات" كلۋبىنىڭ نامىسىن قورعايتىنى جايىندا جارىسا جازۋدا, - دەپ حابارلايدى Egemen.kz.
36 جاستاعى برازيليانىڭ ريو-دە-جانەيرو قالاسىنىڭ تۋماسى 2004-2012 جىلدار ارالىعىندا تسسكا-نىڭ ساپىندا جاسىنداي جارقىراعانى بارشا جانكۇيەردىڭ جادىندى. سول كەزدەرى ماسكەۋلىك ۇجىم رەسەي چەمپيوناتىندا ءۇش مارتە توپ جاردى. ەل كۋبوگىن التى جانە سۋپەر كۋبوگىن ءتورت رەتتەن يەلەندى. 2005 جىلى ۋەفا كۋبوگىن ولجالادى. تسسكا-نىڭ وسىنداي زور تابىسقا جەتۋىنە لاۆتىڭ قوسقان ۇلەسى وراسان زور ەكەنى داۋسىز.
ودان بولەك, ول برازيليانىڭ "پالمەيراس" (2002-04, 2009-10), "فلامەنگو" (2010, 2012-13), "كورينتيناس" (2015-16, 2019-20), قىتايدىڭ "شاندۋن لۋنەن" (2013-15), فرانتسيانىڭ "موناكو" (2016), تۇركيانىڭ "الانياسپور" (2016-18) مەن "بەشيكتاش" (2018-19) كلۋبتارىندا وينادى. بۇل بىرىنشىلىكتەردىڭ بارلىعىندا دا وڭتۇستىك امەريكانىڭ وعىلانى ءوزىن جاقسى قىرىنان كورسەتە ءبىلدى.
2003 جىلى برازيليانىڭ جاستار قۇراماسى ساپىندا بەس كەزدەسۋ وتكىزگەن ۆاگنەر لاۆ ءتورت رەت نىسانانى ءدال كوزدەدى. 2004-07 جىلدار ارالىعىندا ۇلتتىق كوماندانىڭ جەيدەسىن كيدى. سول ارالىقتا 20 رەت جاسىل الاڭعا شىعىپ, ءتورت گولدىڭ اۆتورى اتاندى.