قازاقستان رەسپۋبليكاسى ۇكىمەتىنىڭ قاۋلىسىمەن عابيدۋللا ابدۋللا ۇلى وسپانقۇلوۆ بەرگەن وتىنىشىنە سايكەس قر اقپارات جانە قوعامدىق دامۋ ۆيتسە-ءمينيسترى لاۋازىمىنان بوساتىلدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلايدى, - دەپ جازادى Egemen.kz
عابيدۋللا وسپانقۇلوۆ 1981 جىلى وڭتۇستىك قازاقستان وبلىسىندا دۇنيەگە كەلگەن. قازاق گۋمانيتارلىق-زاڭ ۋنيۆەرسيتەتىن, قازاقستان-رەسەي ۋنيۆەرسيتەتىن, "بولاشاق" باعدارلاماسى بويىنشا بيرمينگەم ۋنيۆەرسيتەتىن ( ۇلىبريتانيا) تامامداعان.
ءتۇرلى جىلدارى قر پارلامەنتىندە, پرەزيدەنت اكىمشىلىگىندە, ەكىباستۇز قالاسىنىڭ اكىمدىگىندە, قر ءبىلىم جانە عىلىم مينيسترلىگىندە جۇمىس ىستەگەن.
2013 جىلدان 2017 جىل ارالىعىندا جاستار ءىسى كوميتەتىن باسقاردى, قر بعم جاستار ساياساتى دەپارتامەنتىنىڭ ديرەكتورى بولدى, قر ءدىن ىستەرى جانە ازاماتتىق قوعام مينيسترلىگىندە جۇمىس ىستەدى.
2017 جىلدىڭ قازان ايىنان 2019 جىلدىڭ تامىز ايى ارالىعىندا باتىس قازاقستان وبلىسى اكىمىنىڭ ورىنباسارى قىزمەتىندە بولدى. 2019 جىلدىڭ تامىز ايىنان جەلتوقسان ايى ارالىعىندا — Nur Otan پارتياسىنىڭ حاتشىسى. 2019 جىلعى جەلتوقساننان باستاپ قازىرگى تاڭعا دەيىن قر اقپارات جانە قوعامدىق دامۋ ۆيتسە-ءمينيسترى قىزمەتىن اتقاردى.