جارىس كەستەسى جاريالاندى

بايراقتى باسەكەدە ەرلەر 200, 800, 1500, 5000 مەترگە, 110 مەترگە كەدەرگى­لەرمەن, 3000 مەترگە كەدەرگىلەرمەن جۇگى­رۋ جانە سىرىقپەن سەكىرۋدەن سىنعا تۇسەدى. ايەلدەر اراسىنداعى جارىس باعدارلاماسى 100, 400, 1000 جانە 5000 مەترگە جۇگىرۋدەن, سونداي-اق بيىكتىككە جانە ءۇش قارعىپ سەكىرۋدەن تۇرادى.

«گاۋھار ليگاسىندا» ءۇش قارعىپ سەكىرۋ بويىنشا لوندون وليمپياداسىنىڭ چەمپيونى, قازاقستاندىق جەڭىل اتلەت ولگا رىپاكوۆا 2012 جانە 2017 جىلى جەڭىمپاز اتانعان. جاھاندىق دودانىڭ كەيىنگى باسەكەسى 16 تامىزدا انگليانىڭ گەيتشيد قالاسىندا وتەدى.