مەملەكەتتىك قىزمەتتە بوس ورىن نەگە كوپ؟

قازىر سولتۇستىك قازاقستان وبلى­سى­نىڭ دەپارتامەنتتەرى مەن باس­قارمالارىندا ونداعان بوس ورىن تۇر. ماسەلەن, جەر قاتى­ناستارى باسقارماسىندا باسشىنىڭ, يندۋ­س­تريالىق-يننوۆاتسيالىق دامۋ باس­قارماسىندا باسشىنىڭ, ونىڭ ورىن­باسارىنىڭ, ءبىر ءبولىم باستىعىنىڭ, ەكى باس ماماننىڭ ورنى بوس. جولاۋ­شىلار كولىگى جانە اۆتوموبيل جولدارى باسقارماسىندا باسشىنىڭ جانە ونىڭ ءبىر ورىنباسارىنىڭ ورىن­دا­رى يەسىن كۇتىپ تۇر. قارجى باس­قار­ماسىندا ءۇش ءبولىم باستى­عىنىڭ, اۋىل شارۋاشىلىعى باسقار­ماسىندا ەكى ءبولىم باستىعىنىڭ, ءۇش باس ماماننىڭ ورنى بوس. ءبىراز ۋاقىتتان بەرى دەن­ساۋلىق ساقتاۋ باس­قار­ماسىنىڭ دا باستىعى مەن ونىڭ ءبىر ورىنباسارىنىڭ ورىندارى بوس. ۇزاق ۋاقىت بويى ىشكى سايا­سات باس­قارماسىنىڭ باستىعىنىڭ ورنى دا بوس تۇرعان ەدى, جۋىردا عانا سول ورىنعا ادام تابىلدى, ايتەۋىر...

ارينە وسى قىزمەتتەردىڭ قاي­سىسى بولسىن ءوڭىردىڭ دامۋىنا, جەدەل جۇ­مىس­تاردىڭ شەشىمىن تابۋىنا ۇلەسىن قوسار ەدى. ال ولار بوس تۇرعان سوڭ, تيەسىلى جۇ­مىس­تارىن ەشكىم اتقارماي, اقىرى جۇمىستىڭ سوڭعى ناتي­جەسىنە ءوزى­نىڭ كەسىرىن تيگىزەدى.

اتى-ءجونىن كورسەتۋدى قا­لا­ماعان, بۇرىنعى باسشى بولعان ءبىر ازامات كادر تاپشىلىعىن تومەندەگىشە ءتۇسىندىردى. ء«بىر باس­قارما نەمەسە دەپارتامەنت باس­تىعى ورنىنان كەتەتىن بولسا, ونىڭ ورنىنا تومەندەگى ادامدى جىلجىتپايدى, جوعارىدان ادام سۇراتادى. ال ونداي ادامداردىڭ كوبى ۋاقىتشا كەلىپ, بۇرىننان قا­لىپتاسىپ كەلە جاتقان جۇيەسىن بۇزادى نەمەسە قولاستىنداعى كادرلاردى ساپىرىلىس­تىرا باس­تايدى. ناتيجەسىندە, جۇمىس اق­سايدى, سونىمەن بىرگە جەرگىلىكتى كادرلاردىڭ ءوسۋى توقىرايدى», دەيدى ول.

«ب» كورپۋسىنىڭ كادرلىق رەزەر­ۆi­نەن ءوتىپ كەلگەن سونداي كوپتەگەن قىز­مەتكەردىڭ قۇجاتتا­رى مەن مامان­دىقتارى تالاپقا سايكەس كەلگەنىمەن, جۇمىستىڭ ەرەكشەلىگىن بىلە بەرمەيدى. سون­دىقتان تاجىريبەلى مامانداردى ىشكى رەزەرۆتىڭ ەسەبىنەن تولتىرۋ زاڭمەن مىندەتتەلۋى كەرەك سياقتى.

مەملەكەتتىك قىزمەت ىستەرى اگەنت­تىگى سول­تۇستىك قازاقستان وبلىسى بويىن­شا دەپار­­تامەنتىنىڭ حابارلاۋىنا قارا­عاندا, وبلىستا شتاتتىق بىرلىكتىڭ جالپى سانى 4798. بۇل حالقىنىڭ سانى رەس­پۋبليكاداعى ەڭ از وبلىس ءۇشىن ۇلكەن ارميا. قازىر سول شتاتتىق بىرلىكتىڭ 527 ورنى بوس تۇر.

ۇستىمىز­دەگى جىلدىڭ ءبىرىنشى توقسانىندا بوس تۇرعان 400 لاۋا­زىمدىق ورىنعا كونكۋرستان وتكەن 236 ادام تاعايىندالعان. بۇل وتكەن جىل­دىڭ سايكەس مەر­زىمىنە قاراعاندا 49 ادامعا ارتىق. الايدا كادر تاپشى­لى­عىنا دەگەن سۇرانىس نەگىزىنەن سول دەڭگەيدە قالعان. ارينە مەملەكەتتىك قىز­مەتشىلەردى وقى­تۋ جانە قاي­تا دايارلاۋ دا جوسپارلانعان. بيىل جالپى سانى 1179 ادام وقىتىلماق جانە قايتا دايارلانباقشى ەكەن, الايدا پاندەميانىڭ كەسىرىنەن جوسپار تەك 16 پايىزعا ورىندالعان.

دەپارتامەنتتىڭ ءبىر مىندەتى كورسە­تىلگەن مەملەكەتتىك قىز­مەت­تىڭ ساپاسىن باقىلاۋ ەكەنىن جوعارىدا ايت­تىق. ۇستىمىزدەگى جىلدىڭ ءى توقسا­نىن­دا مەم­لە­كەتتىك قىزمەت تۋرالى زاڭ­نا­مانى ساقتاۋ ماسەلەلەرى بويىن­شا 6 با­قى­لاۋ ءىس-شاراسى وتكىزىلىپ, 488 ءتۇرلى بۇزۋ­­شى­لىق جاساۋ فاك­تىسى انىق­تالعان. ءىس-تاجى­ريبە كور­­سەتكەندەي, بۇزۋ­شىلىقتاردىڭ 99,8%-ى جەرگىلىكتى ات­قارۋشى ورگانداردا ورىن العان. دە­پار­تامەنتتىڭ ۇسىنىسى بويىن­شا مەم­­لەكەتتىك ورگان­داردىڭ باسشىلارى, ما­مان­دارى تارتىپتىك جاۋاپكەرشىلىككە تارتىلدى.

بىلتىر زاڭناماعا ەنگى­زىل­گەن وز­­گە­­رىستەر بويىنشا مەم­لەكەتتىك قىز­­مەت­كەرلەردىڭ ەڭبەك­­اقىسى ءبىر­شاما كو­تەرىلگەن. الايدا ول ءالى دە تومەن قال­پىن­دا قالىپ وتىر. 20 جىل­دىق ەڭبەك ءوتىلى بار تومەنگى سانات­تاعى مەملەكەتتىك قىزمەتشىنىڭ ەڭ­بەكاقىسى رەس­پۋبليكالىق ورتاشا ەڭبەكاقىدان تومەن. وسىنىڭ ءوزى سىبايلاس جەمقورلىققا جول اشادى. بىزدەگى سوڭعى بەس جىل­دا جاسالعان سىبايلاس جەم­قور­لىقتىڭ 75 پايىزىن ەڭبەك­اقى­لارى تومەن مەملەكەتتىك قىز­مەتكەرلەر جاساعان.

ەڭبەكاقىعا قاتىستى ماسەلە وسىنداي بولعان سوڭ دا كوزى اشىق, قولىنان ءىس كەلەتىن كادرلار مەملەكەتتىك قىز­مەتكە ۇمتىلا قوي­مايدى. ناتي­جە­سىندە, بوس لاۋازىمدىق ورىندار كوپ بولىپ, ءتۇرلى باعدارلامالار مەن جوسپارلاردىڭ دا ىسكە اسۋى ساپاسىنان ايىرىلىپ جاتادى. «مەن ءبىر ورىندا ىستەگەنىمە التى جىل بولدى. ءبولىمنىڭ باستىعى مەن ءبىر باس ماماننىڭ ورنى بوس. بار­لىق جۇمىستى ەكى باس مامان ىستەيمىز. وسى ۋاقىتتا ەكى رەت باس­تىعىمىز اۋىستى, ەكەۋى دە سىرتتان كەلگەندەر. ال ولاردىڭ ورنىنا ءبىزدى جىلجىتپايدى. وزدەرىنىڭ تانىستارىن اكەلەدى. ەڭبەكاقىسى دا شامالى, ىسساپارعا كوپ شى­عارادى. مەن دە كەتۋدى وي­لاپ ءجۇرمىن», دەيدى وبلىستىق باسقارمالاردىڭ بىرىندە ىستەيتىن كەيىپكەرىمىز.

وكىنىشكە قاراي, كىشى باسشىلار دا, ودان جوعارىراق باسقارما, دەپارتامەنت باس­شىلارى دا ۇلكەن باستىقتاردىڭ جەكە سەنىمىندەگى ادامدار بولماسا قىزمەتتە جىلجي المايدى. ءسويتىپ ىنتالاندىرۋ جۇيەسى بوساڭ بولعان سوڭ ەشكىمنىڭ جۇ­مىس ىستەۋگە دە زاۋ­قى جوق. سوندىقتان جوعارىدا ايت­قانىمىزداي, مەملەكەتتىك قىزمەت تۋرالى زاڭعا مامانداردىڭ تو­مەن­نەن جوعارىعا جىلجۋىن تالاپ ەتە­تىن ارنايى نورما ەنگىزىلۋى كەرەك سياقتى. بەلگىلى ۋاقىتتان كەيىن كاسىبي بىلىكتىلىگىنىڭ جوعارى ەكەنىن كورسەتە بىلگەن ادامنىڭ قىزمەتى ءوسىپ وتىرسا, كادرعا دەگەن تاپشىلىق تا ازايار ەدى.

سولتۇستىك قازاقستان وبلىسى