فرانتسيانىڭ اتاقتى فۋتبولشىسى, بىلىكتى باپكەر, تانىمال فۋنكتسيونەر ميشەل پلاتيني بۇگىن 65 جاسقا تولىپ وتىر, - دەپ حابارلايدى Egemen.kz.
الەمدىك فۋتبول تاريحىندا ميشەل ءپلاتينيدىڭ ەسىمى التىن ارىپتەرمەن جازۋلى. 1972-87 جىلدار ارالىعىندا فرانتسيانىڭ "نانسي" مەن "سەنت-ەتەن" جانە يتاليانىڭ "يۋۆەنتۋس" كلۋبتارىندا ونەر كورسەتكەن جىلدارى ول 234 رەت جاسىل الاڭعا شىعىپ, 224 گولدىڭ اۆتورى اتاندى.
فرانتسيانىڭ ۇلتتىق قۇراماسى ساپىندا 1984 جىلى ەۋروپا چەمپيونى جانە 1986 جىلى الەم بىرىنشىلىگىنىڭ قولا جۇلدەگەرى اتاندى. 1983-85 جىلدار ارالىعىندا قاتارىنان ءۇش رەت "التىن دوپتى" يەلەندى. 1984-85 جىلدارى ەكى مارتە الەمنىڭ ەڭ ۇزدىك ويىنشىسى دەپ تانىلدى. ءپلاتينيدىڭ باسقا دا تولىپ جاتقان اتاقتارى تاعى بار.
سونىمەن قاتار, ميشەل پلاتيني جاتتىقتىرۋشىلىق قىزمەت اتقاردى. بىرەر جىل فرانتسيا قۇراماسىنىڭ تىزگىنىن ۇستادى. 2007-15 جىلدارى ول ۋەفا پرەزيدەنتى بولدى.