"قازاقستان رەسپۋبليكاسى قارۋلى كۇشتەرىنىڭ اسكەري بولىمدەرىن, مەكەمەلەرى مەن اسكەري وقۋ ورىندارىن پاتەرلەرگە ورنالاستىرۋدىڭ زاتتاي نورمالارىن بەكىتۋ تۋرالى" قر قورعانىس ءمينيسترى بۇيرىعىنىڭ جوباسى ازىرلەندى, دەپ حابارلادى مينيسترلىكتىڭ ءباسپاسوز قىزمەتى.
ول اسكەري بولىمدەردى, مەكەمەلەر مەن اسكەري وقۋ ورىندارىن ورنالاستىرۋ نورمالارىن تارتىپكە كەلتىرۋگە, ولاردى قارۋلى كۇشتەردىڭ جەكە قۇرامى ءۇشىن الەۋمەتتىك-تۇرمىستىق تالاپتارعا سايكەس كەلتىرۋگە, تەحنيكا مەن جابدىقتاردى ساقتاۋ جونىندەگى ارنايى تالاپتاردى ورىنداۋعا مۇمكىندىك بەرەدى. ارنايى بولىمدەردى (جاۋىنگەرلىك كەزەكشىلىك اتقاراتىن بولىمشەلەردى جانە ت.ب.) ورنالاستىرۋعا ارنالعان ءۇي-جايلاردى ورنالاستىرۋ نورمالارى مەن تىزبەسى قىزمەت ەرەكشەلىكتەرىن ەسكەرە وتىرىپ ايقىندالعان.
بۇيرىق جوباسىن قابىلداۋ تەرىس الەۋمەتتىك-ەكونوميكالىق نەمەسە قۇقىقتىق سالدارعا اكەپ سوقپايدى.
تولىق ماتىنمەن "ەلەكتروندىق ۇكىمەت" پورتالىندا "اشىق نقا" بولىمىندە تانىسۋعا بولادى.