حالىقارالىق بايداركا مەن كانوەدە ەسۋ فەدەراتسياسى 2021 جىلعى توكيو وليمپياداسىنا سوڭعى ىرىكتەۋ ءتۋرنيرىنىڭ قايدا جانە قاشان وتەتىنىن مالىمدەدى, دەپ حابارلادى ۇوك ءباسپاسوز قىزمەتى.
الەم كۋبوگىنىڭ ەكىنشى كەزەڭى 2021 جىلدىڭ 20-23 مامىرى ارالىعىندا رەسەيدىڭ بارناۋل ايماعىندا وتەدى. جاھاندىق دوداعا مىڭعا جۋىق سپورتشى قاتىسادى دەپ كۇتىلۋدە. اتالعان سىندا وليمپيادانىڭ التى جولداماسى ساراپقا سالىنادى. ازىرشە سپورتتىڭ بۇل تۇرىنەن قازاقستان قۇراماسىنىڭ قورجىنىندا جولداما جوق.
ايتا كەتەلىك, 2020 جىلعى توكيو وليمپياداسى كوروناۆيرۋس ىندەتىنە بايلانىستى 2021 جىلعا اۋىستىرىلعان بولاتىن.