ايىپپۇل كولەمىنە قاتىستى تۇسىنىكتەمە بەرىلدى

قازاقستان كاسىپكەرلەرىنىڭ قۇقىعىن قورعاۋ جونىندەگى ۋاكىل رۋستام ءجۇرسىنوۆ  رۇستەم  ءجۇرسىنوۆ  بۇگىن  جۋرناليستەرمەن كەزدەسكەن كەزدە سانيتارلىق نورمالاردى بۇزعانى ءۇشىن الماتىداعى بيزنەس سۋبەكتىلەرىنىڭ 2,5%-ى عانا اكىمشىلىك جاۋاپكەرشىلىككە تارتىلاتىنىن ايتتى. اكىمشىلىك قۇقىق بۇزۋشىلىق تۋرالى كودەكستىڭ 462-بابىنىڭ 3-بولىگىنە سايكەس, ايىپپۇل مولشەرى شاعىن كاسىپكەرلىك سۋبەكتىلەرى ءۇشىن 100 اەك (277,8 مىڭ تەڭگە), ورتا كاسىپكەرلىك سۋبەكتىلەرى ءۇشىن 200 اەك (555,6 مىڭ تەڭگە), ءىرى كاسىپكەرلىك سۋبەكتىلەرى ءۇشىن 500 اەك (1,4 ملن تەڭگە) قۇرايدى, بۇل رەتتە كاسىپكەرلىك سۋبەكتىسىنىڭ قىزمەتى توقتاتىلۋى دا مۇمكىن.

حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن بۇزعانى ءۇشىن ءىرى بيزنەس سۋبەكتىلەرىنە 4 ملن تەڭگە كولەمىندە ايىپپۇل تاعايىندالادى (اقبتك-ءنىڭ 425-بابى). دەگەنمەن, ورىن العان جاعدايدا باس مەملەكەتتىك سانيتارلىق دارىگەردىڭ قاۋلىلارى زاڭعا جاتپايدى, سوندىقتان بۇل باپ قولدانىلمايدى.

الايدا, بيزنەس سانيتارلىق تالاپتاردى بۇزعانى ءۇشىن ايىپپۇل سانكتسيالارىن قولدانۋ ماسەلەلەرىنە قاتىستى الاڭداعان ب. رۇستەموۆ الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشينگە حات جولداپ,  سانيتارلىق تالاپتاردىڭ بۇزىلۋىنىڭ الدىن الۋدى, ەلەۋسىز بۇزۋشىلىقتار ورىن العان جاعدايدا ەسكەرتۋ جاساۋدى جانە بۇزۋشىلىق قايتالانعان جاعدايدا عانا ايىپپۇل سالۋدى ۇسىنعان. جاقىندا وڭتۇستىك استانانىڭ باس مەملەكەتتىك سانيتارلىق دارىگەرىنەن الىپ,  الماتىدا كارانتين جاريالانعان ساتتەن باستاپ سانيتارلىق-ەپيدەميولوگيالىق شارالاردى ساقتاۋ بويىنشا 3825 كاسىپكەرلىك نىسانى قامتىلعاندىعى جانە دە تەك 2,5%-نا نەمەسە 100-گە جۋىق كاسىپكەرگە قاتىستى اكىمشىلىك جازالاۋ شارالارى قولدانىلعاندىعى ايتىلعان.

"قازاقستاندا COVID-19 كۇشەيىپ كەلەدى. 15 ماۋسىمداعى جاعداي بويىنشا سىرقاتتانعاندار سانى 15192 ادامدى قۇرادى (تاۋلىگىنە 383), 14 ماۋسىمدا 313 اۋرۋ انىقتالدى, 13 ماۋسىمدا - 258, 12 ماۋسىمدا - 366, 1 ماۋسىمدا - 314. كورىپ وتىرعانىمىزداي, سىرقاتتانۋشىلار سانى كۇن ساناپ ارتىپ كەلەدى.

وكىنىشكە وراي, قاراپايىم ازاماتتار ءتارتىپ بۇزۋشىلىققا بارلىق جەردە جول بەرەدى. ماسكا كيۋ ءتارتىبى مەن الەۋمەتتىك قاشىقتىق ساقتالمايدى, ادامدار وتباسىلىق ءىس-شارالاردى ۇيىمداستىرۋىن, قوناققا بارۋىن توقتاتار ەمەس. بيزنەسكە كەلەتىن بولساق, كەيبىر كاسىپكەرلەر كوبىنەسە قاراپايىم تالاپتاردى ورىندامايدى (ماسكالىق رەجيم, قولعاپ كيۋ, بولمەنىڭ كىرە بەرىسىندە سانيتەرلەردى ورناتۋ)" دەيدى قازاقستان كاسىپكەرلەرىنىڭ قۇقىعىن قورعاۋ جونىندەگى ۋاكىل رۋستام ءجۇرسىنوۆ.   

سونداي-اق ر. ءجۇرسىنوۆ بارلىق كاسىپكەرلەرگە   ازاماتتارىمىزدىڭ دەنساۋلىعى ءوز قولىمىزدا ەكەنىن, بيزنەس قىزمەتكەرلەردىڭ سانيتارلىق تالاپتاردى ساقتاۋىن قامتاماسىز ەتەتىن بولسا جانە ونى ءوز تۇتىنۋشىلارىنان تالاپ ەتەتىن بولسا, وندا بىرلەسكەن كۇش-جىگەردىڭ ارقاسىندا سىرقاتتانۋشىلاردىڭ سانىن ازايتا الاتىنىمىزدى ايتىپ ءوتتى.

"ال ەلدەگى ەپيدەميولوگيالىق جاعدايدىڭ جاقسارۋى ءالى دە جابىق كۇيىندە قالىپ وتىرعان (كينوتەاترلار, ويىن-ساۋىق ورىندارى, بانكەت زالدارى جانە ت.ب.) بيزنەستى قايتا جاڭارتۋعا الىپ كەلەدى.

ءبىز بىرلەسكەن كۇش-جىگەردىڭ ارقاسىندا كوروناۆيرۋستىق ينفەكتسيامەن كۇرەستە جانە ەكونوميكانى قالپىنا كەلتىرۋ بارىسىندا تابىسقا قول جەتكىزەمىز دەگەن ۇمىتتەمىن" دەپ ءسوزىن قورىتتى قازاقستان كاسىپكەرلەرىنىڭ قۇقىعىن قورعاۋ جونىندەگى ۋاكىل رۋستام ءجۇرسىنوۆ  .