جوعالعانداردىڭ دەنى اراق-شاراپ ىشۋمەن تىعىز بايلانىستى. وكىنىشكە وراي جاسوسپىرىمدەر اراسىندا دا وندايلار ورىستەپ وتىر. بىرگە جۇرگەن جولداستارىمەن وزدەرىنە قىزىقتى كەشتى جالعاستىرا ءتۇسۋ ءۇشىن وندايلار قالتافوندارىن اعىتىپ تاستاپ, ءبىر-ەكى كۇن بويى جوعالىپ كەتەتىن وقيعالارى كوپ. اتا-انالارى بولسا شىرىلداپ, پوليتسياعا جۇگىنەدى. ء«ىز-ءتۇسسىز جوعالعانداردى جاقىندارىنا الاڭداتۋشىلىق تۋدىرامىن دەگەن وي مۇلدە مازالامايدى, - دەيدى سقو پد باستىعىنىڭ ورىنباسارى, پوليتسيا پولكوۆنيگى رۋسلان نازاروۆ.
ءاربىر جوعالعان ادام فاكتىسى بويىنشا ىزدەستىرۋ جۇمىستارىن كريمينالدىق پوليتسيا قىزمەتكەرلەرىمەن بىرگە ۋچاسكەلىك پوليتسيا ينسپەكتورلارى جانە پاترۋلدىك پوليتسەيلەر جۇرگىزەدى. ىزدەستىرۋ شارالارىندا جوعالعان ادام تۋرالى بارلىق مالىمەتتەر جينالادى. جۋىردا قىزىلجار اۋدانى تۇرعىنىن ىزدەۋگە تجد قىزمەتكەرلەرى دە بەلسەنە قاتىستى. ويتكەنى بۇل ادامنىڭ پسيحيكالىق اۋىتقۋشىلىعى بار ەكەن, ال مۇندايلاردىڭ ءوز ەركى وزىنە تيگەننەن كەيىنگى ءىس-ارەكەتى وتە قاۋىپتى. ايتەۋىر ول دەر كەزىندە تابىلدى.
ىزدەۋ شارالارى كەزىندە پوليتسەيلەردىڭ نازارىنان كوڭىل-كوتەرۋ ورىندارى, جالدامالى پاتەرلەر تىس قالمايدى. سوندايدىڭ بىرىنەن, اتا-اناسىنىڭ مالىمەتى بويىنشا, جوعالعانىنا التى كۇن بولعان 38 جاستاعى ايەل تابىلدى. ايەل ءوزىنىڭ اناسىنىڭ پوليتسياعا جۇگىنگەنىنە اڭ-تاڭ بولادى, ول ءوزىنىڭ بۇل اركەتىن قالىپتى جاعداي دەپ سانايدى ەكەن...
پەتروپاۆل