"الماتى-ينچون" رەيسىندەگى جولاۋشىلاردىڭ بىرىندە كوروناۆيرۋس بار ەكەنى انىقتالعان. بۇل تۋرالى بۇگىن وسى قالانىڭ مەرياسى مالىمدەگەن, - دەپ حابارلايدى Egemen.kz
ەستەرىڭىزگە سالايىق, 60-تان استام قازاقستاندىق 9 ماۋسىمدا وڭتۇستىك كورەياعا ۇشىپ كەتە الماعان ەدى. بىراق ماسەلە شەشىلىپ كەشە تاڭەرتەن ۇشاق وڭتۇستىك كورەيانىڭ نەگىزگى اۋەجايىنا قونعان. "حابار24" ارناسىنىڭ حابارلاۋىنشا, ۇشىپ بارعاننان كەيىن بارلىق جولاۋشىنىڭ دەنە تەمپەراتۋراسى تەكسەرىلىپ, تەستىدەن وتكەن. ولاردىڭ بىرىندە ناتيجەسى وڭ بولىپتى.
ناۋقاس قازاقستان ازاماتى ەكەنى بەلگىلى. ول 31 جاستاعى ايەل كىسى. ينچحوننىڭ يونسۋ اۋدانىندا تۇرادى. دارىگەرلەردىڭ ايتۋىنشا, جولاۋشىدا COVID-19 بەلگىلەرى بولماعان, تەك تەمپەراتۋراسى 37,1 گرادۋستى كورسەتكەن.
قازىر ناۋقاس اۋرۋحانادا. بۇل – كورەيا رەسپۋبليكاسىنداعى قازاقستان ازاماتىندا كوروناۆيرۋس جۇقتىرۋدىڭ العاشقى دەرەگى. بۇعان دەيىن مامىردىڭ 31-ءى كۇنى دەرت ماسكەۋدەن كەلگەن قازاقستاندىق ايەلدىڭ ءۇش جاسار قىزىنان انىقتالعان ەدى. بۇل وتباسى ىيدجونبۋ قالاسىندا تۇرادى وڭتۇستىك كورەياعا شەتەلدەن كەلگەندەردىڭ بارلىعى ەكى اپتا ۇيدە وقشاۋلانۋى ءتيىس.
سوندىقتان الماتىدان كەلگەن جولاۋشىلار دا 14 كۇن ۇيدە بولادى. سونداي-اق, ولار ۇيالى تەلەفوندارىنا ارنايى قوسىمشانى جۇكتەۋى ءتيىس. وسى ارقىلى دەنساۋلىق ساقتاۋ باسقارماسى ولاردىڭ جاعدايى تۋرالى مالىمەتتەر الىپ, ءجۇرىپ-تۇرۋىن باقىلايدى. جالپى, كورەيا زاڭى بويىنشا وقشاۋلاۋ ەرەجەلەرىن بۇزعانى ءۇشىن شامامەن 7,5 مىڭ دوللار ايىپپۇل سالىنادى.