14 ماۋسىمدا اقش-تىڭ لاس-ۆەگاس قالاسىندا ارالاس جەكپە-جەكتەن UFC ءتۋرنيرى وتەتىنى بەلگىلى. سول جارىستا قازاقستاندىق ماريا اگاپوۆا برازيليالىق مەليسسا گاتتومەن كۇش سىناسۋعا ءتيىس ەدى, - دەپ حابارلايدى Egemen.kz.
الايدا كوروناۆيرۋستىڭ ەكىنشى تولقىنى ورشۋىنە بايلانىستى جەرگىلىكتى بيلىك تاراپىنان بىرقاتار مەملەكەتتىڭ ازاماتتارىنا اقش-قا كەلۋگە قاتاڭ تيىم سالىنىپ وتىر. سولاردىڭ اراسىندا برازيليا دا بار. سول سەبەپتى دە UFC باسشىلىعى ماريا اگاپوۆاعا دەرەۋ وزگە قارسىلاس ىزدەسۋگە كىرىستى. ەندى جەرلەسىمىز حاننا سايفەرسپەن ايقاسادى. 27 جاستاعى اقش-تىڭ وكسفورد قالاسىنىڭ تۋماسى 2013 جىلدان بەرى سپورتتىڭ وسى ءتۇرىن سەرىك ەتۋدە. سول ارالىقتا 15 رەت وكتاگونعا شىعىپ, 10 باسەكەنى ءوز پايداسىنا شەشتى. ءوزىنىڭ سوڭعى ەكى جەكپە-جەگىندە ول اندجەلا حيلل جانە ماككەنزي دەرنگە ەسە جىبەردى.
ال 23 جاستاعى جەرلەسىمىز جايىندا ايتار بولساق, وسى كۇنگە دەيىن ول 9 كەزدەسۋ وتكىزىپ, 8 رەت جەڭىسكە جەتتى. بىلتىر 30 شىلەدە اگاپوۆا امەريكالىق ترەيسي كورتەزدەن ۇپاي سانىمەن ۇتىلعان بولاتىن. ودان كەيىنگى ەكى جەكپە-جەگىن جەڭىسپەن اياقتادى. اتاپ ايتساق, اقش سپورتشىسى الەكسا كوننەرس "قىلقىندىرۋ" ادىسىمەن ۇتسا, برازيليالىق ماريليا سانتوستى شىنتاقپەن ۇرىپ قۇلاتتى.
13 ماۋسىمدا وتەتىن ايتۋلى جەكپە-جەك ءتۋرنيرىنىڭ تولىق كاردى مىناداي:
دجەسسيكا اي – سينتيا كالۆيلو
كارل روبەرسون – مارۆين ۆەتتوري
اندرە فيلي – چارلز جۋردەن
رەي بورگ – مەراب دۆاليشۆيلي
مارك دە لا روسا – دجوردان ەسپينوسا
ماريا اگاپوۆا – مەليسسا گاتتو
كەۆين اگيلار – چارلز روزا
دجۋليا اۆيلا – دجينا مازاني
رايان بەنۋا – تايسون نەم
دجوردان گريففين – دەرريك مينەر