سقو پوليتسەيلەرى تابيعاتتى قورعاۋ زاڭناماسىنىڭ 443 بۇزۋشىلىعىن انىقتادى

ارينە, بۇل ءىس تەك پوليتسەيلەردىڭ موينىندا ەمەس, ولارعا تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ, ورمان شارۋاشىلىعى جانە جانۋارلار دۇنيەسى وبلىستىق اۋماقتىق ينسپەكتسيالارىنىڭ وكىلدەرى, ەكولوگتار جانە ۆەتەرينارلار كومەك بەرىپ وتىرادى. ولارمەن بىرلەسكەن زاڭسىز اڭ اۋلاۋ, بالىق اۋلاۋ, سونداي-اق اعاش كەسۋ فاكتىلەرىن  انىقتاۋ بويىنشا رەيدتەر, ەكولوگيالىق قىلمىستار مەن قۇقىق بۇزۋشىلىقتاردى ەسكەرتۋ بويىنشا پروفيلاكتيكالىق ءىس-شارالار ءجيى جۇرگىزىلىپ تۇرادى.

جوعارىدا اتالعان 443 قۇقىق بۇزۋشىلىقتىڭ جانۋارلار الەمىنە قاتىستىسى – 263, وسىمدىكتەر الەمى سالاسىندا – 6, بالىق شارۋاشىلىعى سالاسىنا قاتىستىسى– 174 بولعان. وسىلاردىڭ ىشىنەن 25 ءتۇرلى ەكولوگيالىق قىلمىستار بويىنشا سوتقا دەيىنگى تەرگەۋلەر جۇرگىزىلدى. ال اڭ اۋلاۋ تارتىپتەرىن بۇزعان 252 قۇقىق بۇزۋشى اكىمشىلىك جاۋاپكەرشىلىككە تارتىلدى.

 سولتۇستىك قازاقستان وبلىسى