وتكەن تاۋلىكتە قاۋىپتى ىندەتكە تاعى دا 11 ادام شالدىقتى. ناۋقاستاردىڭ اراسىندا تەڭىز كەنىشىندەگى مەردىگەر مەكەمەلەردە جۇمىس ىستەيتىن 2 ادام بار. ال, وزگەلەرى اتىراۋ قالاسى مەن اۋدانداردىڭ تۇرعىندارى بولىپ وتىر.
–جىلىوي اۋدانىنىڭ 7 تۇرعىنىنان قاۋىپتى ىندەت انىقتالدى. ولاردىڭ ەكەۋى جرۆي سيمپتومدارى بايقالعان سوڭ وزدىگىنەن مەديتسينالىق كومەككە جۇگىنگەن. ال, بەسەۋى بۇرىن كوروناۆيرۋس جۇقتىرعاندارمەن بايلانىستا بولعان. سونداي-اق, اتىراۋ قالاسىنىڭ 27 جاسار تۇرعىنى بۇعان دەيىن ىندەتكە شالدىققاندارمەن بايلانىستا بولىپ, وزىنە جۇقتىرىپ العان. قۇرمانعازى اۋدانىنىڭ 57 جاستاعى تۇرعىنى جرۆي سيمپتومىمەن دارىگەرلەرگە قارالعان. قازىر ناۋقاستاردىڭ بارلىعى حاتتاماعا سايكەس, ينفەكتسيالىق اۋرۋحانادا ەم قابىلداپ جاتىر, -دەپ حابارلادى وبلىس اكىمىنىڭ ءباسپاسوز قىزمەتى.
قازىر اتىراۋ وبلىسىندا كوروناۆيرۋس ينفەكتسياسىن جۇقتىرعاندار سانى 1213 ادامعا جەتتى. ونىڭ ىشىندە 1019 جاعداي تەڭىز كەن ورنىندا جۇمىس ىستەگەن جۇمىسشىلاردان انىقتالدى. ال, اتىراۋ قالاسىندا 110, جىلىوي اۋدانىندا 50, قۇرمانعازىدا –15, ماقاتتا –12, يساتايدا –5, ماحامبەتتە –1 جانە يندەر اۋدانىندا 1 ناۋقاس تىركەلىپ وتىر.
ناۋقاستاردىڭ اراسىنان 773 پاتسيەنت جازىلىپ, وتباسىنان ورالدى. وكىنىشكە وراي, 3 ناۋقاس قايتىس بولدى.