كوروناۆيرۋس پاندەمياسىنا بايلانىستى ۋاقىتشا توقتاتىلعان فۋتبولدان قازاقستان چەمپيوناتى 1 شىلدەدەن باستاپ جالعاساتىن بولدى.
وتكەن اپتادا ورتالىق كوممۋنيكاتسيالار قىزمەتى الاڭىندا حالىققا ەسەپ بەرۋ كەزىندە مادەنيەت جانە سپورت ءمينيسترى اقتوتى رايىمقۇلوۆا 1 شىلدەدەن باستاپ ەلىمىزدە سانيتارلىق تالاپتاردى ساقتاي وتىرىپ, سپورتتىق جارىستاردى وتكىزۋگە رۇقسات بەرىلگەنىن مالىمدەدى.
بۇعان دەيىن قازاقستان كاسىپقوي فۋتبول ليگاسى ەل چەمپيوناتىن قايتا جالعاستىرۋدىڭ ەكى نۇسقاسىن ۇسىنعان ەدى. ءبىرىنشىسى – جارىستى جانكۇيەرلەرسىز 15 ماۋسىمنان باستاپ جالعاستىرۋ, ال ەكىنشىسى – كلۋبتارعا ويىنداردى جانكۇيەرلەرسىز وتكىزۋگە 1 شىلدەدەن باستاپ رۇقسات بەرۋ.