تەننيستەن اقش اشىق چەمپيوناتى (US Open) ءتۋرنيرىنىڭ ۇيىمداستىرۋشىلارى دۇنيەجۇزىندە بولىپ جاتقان جاعدايعا بايلانىستى دودانى قاۋىپسىزدىك شارالارىن ساقتاي وتىرىپ وتكىزۋدىڭ بىرنەشە جولىن قاراستىرۋدا, دەپ حابارلادى ۇوك ءباسپاسوز قىزمەتى.
اتالعان دودا ۇيىمداستىرىلعان جاعدايدا كورەرمەندەرسىز وتەتىنى ءمالىم بولدى. سونىمەن قاتار سپورتشىلاردىڭ قاۋىپسىزدىگىن ساقتاۋ ماقساتىندا قاتىسۋشىلارعا ارنايى چارتەرلىك رەيستەر تاعايىندالۋى مۇمكىن. قاتىسۋشىلاردىڭ بارلىعى جارىس الدىندا COVID-19 ۆيرۋسىنا تەست تاپسىرادى. سونداي-اق جارىستا تورەلىك ەتەتىن تورەشىلەر مەن ماتچتا قىزمەت كورسەتەتىن بولبوي سانى قىسقارتىلادى. تاعى ءبىر ەسكەرەتىن جايت, جارىس ۇيىمداستىرىلعان جاعدايدا فورماتى وزگەرۋى مۇمكىن.