كوروناۆيرۋس پاندەمياسىنا بايلانىستى ۋاقىتشا توقتاتىلعان سپورتتىق جارىستار قايتا وتكىزىلە باستادى. سولاردىڭ ىشىندە تەننيس دودالارى دا بار. ۇزىلىستەن كەيىنگى العاشقى تۋرنير اقش-تا ۇيىمداستىرىلدى.
اقش-تىڭ بىرنەشە قالاسىندا وتكىزىلىپ جاتقان Matchplay 120 جارىسىندا قازاقستاندىق تەننيسشى دميتري پوپكو دا باق سىنادى. ءتۋرنيردىڭ ىرىكتەۋ كەزەڭىندە وتانداسىمىز ءتورت ويىن وتكىزىپ, سوڭعىسىندا جەڭىلىپ قالدى. العاش اقش وكىلى ماككەنزي ماكدونالدتان ەكى سەتتە باسىم تۇسسە, ەكىنشى كەزدەسۋدە دومينيكا تەننيسشىسى روبەرتو ءسيدتى 6:3, 3:6, 6:1 ەسەبىمەن قاپى قالدىردى. ءۇشىنشى باسەكەدە تاعى ءبىر اقش سپورتشىسى بورن فراتاندجەلودان ەكى سەتتە ايلاسىن اسىردى. ەسەپ – 6:1, 6:3. ال تۋرنيردەگى ءتورتىنشى كەزدەسۋىندە پوپكو ءدال وسى امەريكالىق بورن فراتاندجەلودان 6:3, 1:6, 1:6 ەسەبىمەن جەڭىلىپ, جارىستى اياقتاۋعا ءماجبۇر بولدى. جارىس اينالمالى جۇيە بويىنشا وتكىزىلىپ جاتىر.
ايتا كەتەيىك, ىندەتكە بايلانىستى تۋرنير بارلىق ساقتىق شاراسىن قاتاڭ ساقتاپ, كورەرمەندەرسىز وتۋدە. دوداعا بىرقاتار تورەشى مەن بولبوي قاتىستىرىلماعان.