فۋتبولدان قازاقستان چەمپيوناتىندا ونەر كورسەتەتىن پاۆلوداردىڭ ERTIS كومانداسى قارجى جانە سپورتتىق مىندەتتەمەلەردى ورىنداي المايتىنىنا بايلانىستى 2020 جىلعى OLIMPBET-فۋتبولدان قازاقستان بىرىنشىلىگىنە قاتىسۋدان باس تارتتى.
قازاقستان كاسىپقوي فۋتبول ليگاسى مەكەمە باسشىلىعىنا «ERTIS» فۋتبول كلۋبى اتىنان ماۋسىمدى جالعاستىرا المايتىندىعى جانە كلۋبتى چەمپيون ويىندارىنان شىعارۋ تۋرالى ءوتىنىش كەلىپ تۇسكەن. رەگلامەنتكە سايكەس, قازاقستان چەمپيوناتىنا قاتىسۋدان باس تارتقانى ءۇشىن كلۋبتىڭ جاستار كومانداسى ەكىنشى ليگاعا دا قاتىسا المايدى.
1965 جىلى قۇرىلعان پاۆلودار كومانداسى ەل بىرىنشىلىگىنە تۇراقتى قاتىساتىن جانە باس جۇلدەگە ءۇمىتتى ۇجىمداردىڭ قاتارىندا ەدى. ERTIS قازاقستان چەمپيوناتىندا بەس مارتە (1993, 1997, 1999, 2002, 2003) باس جۇلدەنى ولجالاعان ءۇش كوماندانىڭ ءبىرى سانالاتىن. سونداي-اق ازيا چەمپيوندار ليگاسىنىڭ جارتىلاي فينالىنا شىعىپ, ەل بىرىنشىلىگىندە 4 رەت كۇمىس, 6 رەت قولا مەدال العان.