شىمكەنتتەگى ءىرى بازارلاردىڭ سانيتارلىق جاعدايى تالقىلاندى

«كەزىندە الدىڭعى قاتارلى بازار بولعان, بارىمىزگە تانىس «ەۆرازيا» بازارى بۇگىندە بىرنەشە ساۋدا نىساندارى - «اسەل», «بەنەفيس», «يۋجترانس», «التىن وردا» جانە «ەۆرازيا تورگ سەرۆيس» بازارلارىمەن ۇشتاسقان. ساۋدا نىسانىنىڭ وكىلدەرىمەن سانيتارلىق تالاپتاردىڭ ساقتالۋى مەن قاۋىپسىزدىك دەڭگەيىن جانە ساتۋشىلار مەن كەلۋشىلەرگە نىساننىڭ ىڭعايلىلىعىن تالقىلادىق», دەدى قالا اكىمىنىڭ ورىنباسارى.   بۇگىندە زامان تالابىنا ساي ساۋدا ورتالىقتارى كوبەيگەن ۋاقىتتا بازارلارعا سۇرانىستىڭ تومەندەيتىنى انىق. وسى رەتتە م. پەرنەباي ۇلى, بازار باسشىلارىمەن بىرگە ورتالىقتاندىرىلعان, تۇرعىندارعا قولايلى, ءارى قاۋىپسىز ساۋدا نىسانىن قالىپتاستىرۋ جوسپارلانىپ وتىرعانىن جەتكىزدى.