پاۆلودار وبلىسىندا سۋ تاسقىنىنىڭ قاۋىپتى كەزەڭى ءوتتى

وڭىردەگى توتەنشە جاعدايلار دەپارتامەنتىنىڭ باستىعى, ازاماتتىق قورعاۋ پولكوۆنيگى ەرنۇر وتەگەنوۆ اعىمداعى جىلعى سۋ تاسقىنى كەزەڭىنىڭ قورىتىندىلارى تۋرالى باياندادى.

- وتكەن جىلى ەلىمىزدە كوكتەمگى سۋ تاسقىنىنا قارسى ارنايى جول كارتاسى جاسالدى. جول كارتاسى جانە دەپارتامەنتتىڭ باستاماسىمەن اقتوعاي, باياناۋىل اۋداندارىنىڭ اكىمدىكتەرىمەن بىرلەسىپ ينجەنەرلىك ءىس-شارالار وتكىزىلدى, بۇل شارالار سۋ تاسقىنى قاۋپىنىڭ الدىن الدى, - دەدى ە. وتەگەنوۆ.

سوندىقتان الداعى 2021 جىلى سۋ تاسقىنى كەزەڭىنە دايىندىق بارىسىندا قولدا بار بارلىق ينفراقۇرىلىمداردىڭ جۇمىسىن ەرتەرەك باستاۋ قاجەت.

ە. وتەگەنوۆ بيۋدجەت قاراجاتىن ءتيىمدى جۇمساۋ ارقىلى,  تۇرعىنداردىڭ, شارۋاشىلىق جانە تۇرعىن ءۇي-جايلاردىڭ قاۋىپسىزدىگىن تۇراقتاندىرۋ ماقساتىندا  اقسۋ  قالاسى, لەنين كەنتى, سونداي-اق كەنجەكول,  شولاقسور اۋىلدارىندا جاسالاتىن قورعانىس بەكەتتەرىن كەزەڭ-كەزەڭىمەن  نىعايتۋعا كوشۋدى ۇسىندى.

ياعني, قورعانىس ماقساتىندا جاسالعان ۇيىندىلەردى نىعايتۋ ءۇشىن بەكىتكىش ماتەريالدارى بار گابيوندى تور توسەلىپ, قۇم سۋسىماس ءۇشىن ءتۇرلى وسىمدىكتەر ەگۋ كەرەك.

ءوڭىر باسشىسى ابىلقايىر سقاقوۆ تج دەپارتامەنتىنىڭ ۇسىنىسىنا قولداۋ كورسەتىپ, قالا جانە اۋدان اكىمدەرى مەن باسقارما باسشىلارىنا وبلىس اۋماعىنداعى الداعى جىلدارعا سۋ تاسقىنى قاۋىپ-قاتەرىنىڭ دەڭگەيىن تومەندەتۋگە باعىتتالعان ءىس-شارالاردى وتكىزۋ تۋرالى بىرقاتار ناقتى تاپسىرما بەردى.

پاۆلودار