جەرگىلىكتى Saryarqa تەلەارناسىنىڭ تىكەلەي ەفيرىندە وتكەن بريفينگتە قاراعاندى وبلىسىنىڭ اكىمى جەڭىس قاسىمبەك كارانتيندىك شارالاردىڭ بوساڭسۋىنا قاراماستان, سانيتارلىق تالاپتاردى بۇلجىتپاي ورىنداۋ, قوعامدىق ورىنداردا بەتپەردە كيىپ, الەۋمەتتىك قاشىقتىقتى ساقتاۋ جانە سانيتايزەرلەردى پايدالانۋ قاجەتتىگىن تاعى ءبىر مارتە ەسكە سالدى.
سونداي-اق, ول كارانتيندىك شەكتەۋدىڭ كوروناۆيرۋس ينفەكتسياسىنىڭ الدىن الۋدىڭ بىردەن-ءبىر ءتيىمدى ءىس-شاراسى ەكەندىگىن اتاپ ءوتتى.
– سۋىق تيۋ بەلگىلەرى كەزىندەگى ءوزىن-ءوزى وقشاۋلاۋ جانە دارىگەردى جەدەل شاقىرۋ, بەتپەردە كيۋ, كەزەكتە, قوعامدىق كولىكتە, سەرۋەندەۋ كەزىندە الەۋمەتتىك قاشىقتىقتى ساقتاۋ – بۇل سانيتارلىق دارىگەردىڭ تالابى عانا ەمەس, بۇل وركەنيەتتى قوعامنىڭ بارلىق مۇشەلەرى ورىنداۋى ءتيىس قازىرگى زامانعى ەتيكەتتىڭ جاڭا ەرەجەلەرى, – دەدى ول.
بريفينگتە ءوڭىر باسشىسى قاراعاندى وبلىسىندا ساۋدا ورتالىقتارى, ءدامحانالار مەن مەيرامحانالاردىڭ 29 مامىردان باستاپ جۇمىس ىستەيتىنىن مالىمدەدى. ءدال وسى كۇنى 30 ادامعا دەيىنگى سىيىمدىلىعى بار جازعى تەرراسالار مەن قوناق ۇيلەر دە كەلۋشىلەرگە ايقارا ەسىك اشادى. ساۋدا-ويىن-ساۋىق ورتالىقتارى دا اشىلعانىمەن, ولاردا ورنالاسقان بالالار الاڭدارى مەن كينوتەاترلار ازىرگە جابىق بولادى. بالا باقشالارداعى كەزەكشى توپتار ماۋسىمنىڭ 1-جۇلدىزىندا جۇمىسىن باستايدى.
سونىمەن قاتار, جەڭىس قاسىمبەك كۆي اۋرۋشاڭدىعىنىڭ ءوسۋى تومەندەپ, ەپيدەميولوگيالىق جاعداي تۇراقتانار بولسا, ماۋسىم ايىنىنىڭ باسىندا تەمىرتاۋ قالاسى مەن بوتاقارا كەنتىن اشۋدىڭ جوسپاردا بار ەكەنىن دە حابارلادى.
دەگەنمەن, ول كۆي اۋرۋشاڭدىعىنىڭ ءوسۋى تومەندەگەن جاعدايدا عانا كارانتيندىك شارالاردى ودان ءارى جەڭىلدەتۋگە بولاتىنىن مالىمدەدى.
قاراعاندى وبلىسى