«قازگيدرومەت» رمك 27 مامىرعا ارنالعان اۋا رايى بولجامىن جاريالادى.
قازاقستان تەرريتورياسىنىڭ باسىم بولىگى ءالى دە جوعارى قىسىم اۋماعىندا بولعاندىقتان كۇن اشىق بولادى.تەك رەسپۋبليكانىڭ شىعىسىندا عانا سولتۇستىك-باتىس تسيكلونىنىڭ اسەرىنەن كەي جەرلەردە وتكىنشى جاڭبىر جاۋادى, نايزاعاي جارقىلداپ, داۋىل سوعادى. بۇرشاق جاۋى ىقتيمال.كەي جەرلەردە جەل كۇشەيەدى, وڭتۇستىكتە جانە وڭتۇستىك-شىعىستا شاڭدى داۋىل تۇرادى. سولتۇستىكتە تۇمان تۇسەدى.تۇندە سولتۇستىك قازاقستان وبلىسىنىڭ كەي جەرلەرىندە جەل ەكپىنى 15-20 م/س جەتەدى. تۇندە جانە تاڭەرتەن تۇمان تۇسەدى.شىعىس قازاقستان وبلىسىنىڭ تۇندە كەي جەرلەرىندە جەل قارقىنى – 15-20 م/س, كۇندىز – 15-20, ەكپىنى 25 م/س دەيىن كۇشەيەدى. كەي جەرلەردە داۋىل سوعادى. بۇرشاق جاۋى مۇمكىن.تۇندە قىزىلوردا وبلىسىنىڭ كەي جەرلەرىندە جەل جىلدامدىعى – 15-20 م/س, 25 م/س بولادى. شاڭدى داۋىل كۇتىلەدى.جامبىل, تۇركىستان وبلىستارىنىڭ كەي جەرلەرىندە شاڭدى داۋىل تۇرادى. جەل ەكپىنى –15-20 م/س, تۇركىستان وبلىسىندا 23 م/س جەتەدى.باتىس قازاقستان, قوستاناي, پاۆلودار, تۇندە اقتوبە, كۇندىز الماتى, قاراعاندى وبلىستارىنىڭ كەي جەرلەرىندە جەل 15-20 م/س دەيىن كۇشەيەدى. باتىس قازاقستان وبلىسىندا نايزاعاي جارقىلدايدى.الماتى, جامبىل, تۇركىستان, قىزىلوردا, اقتوبە وبلىستارىندا, ماڭعىستاۋ وبلىسىنىڭ وڭتۇستىگىندە اپتاپ ىستىق بولادى.پاۆلودار وبلىسىندا, شىعىس قازاقستان, قىزىلوردا وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.