ۆلاديمير نيدەرگاۋس ۇزدىك فۋتبولشىلار ساناتىندا

ۇزدىكتەر تىزىمىنە مىنا ويىنشىلار ەنىپ وتىر:  

قاقپاشى – الەكسەي پولياكوۆ («كرىليا سوۆەتوۆ», وزبەكستان).

قورعاۋشىلار – اندرەي فەدوروۆ («رۋبين», وزبەكستان), ولەگ پاشينين («لوكوموتيۆ» ماسكەۋ, وزبەكستان), ءراشيد راحيموۆ («سپارتاك» ماسكەۋ, تاجىكستان) جانە يگور چەرەۆچەنكو («لوكوموتيۆ» ماسكەۋ, تاجىكستان).

جارتىلاي قورعاۋشىلار – ۆلاديمير مامينوۆ («لوكوموتيۆ» ماسكەۋ, وزبەكستان), دميتري حومۋحا (تسسكا, تۇركىمەنستان), ءادىل احمەدوۆ («انجي», وزبەكستان) جانە ميردجالول قاسىموۆ («الانيا», وزبەكستان).

شابۋىلشىلار – ەلدور شومۇرودوۆ («روستوۆ», وزبەكستان) پەن ۆلاديمير نيدەرگاۋس («روتور», قازاقستان).

وزدەرىڭىز بايقاعانداي, بۇل تىزىمدە قازاقستاننىڭ جالعىز عانا وكىلى بار. بۇل كۇندەرى 52 جاسقا تولىپ وتىرعان كوكشەتاۋ قالاسىنىڭ تۋماسى توقسانىنشى جىلدارى «روتوردىڭ» باستى جۇلدىزىنا اينالدى. ۆولگوگرادتىق كلۋبتىڭ ساپىندا ۆلاديمير نيدەرگاۋس 200 مارتە جاسىل الاڭعا شىعىپ, 77 رەت نىسانانى ءدال كوزدەدى. سول ارالىقتا ول رەسەي چەمپيوناتىنىڭ ەكى دۇركىن كۇمىس جانە ءبىر رەت قولا جۇلدەگەرى, رەسەي جانە ينتەرتوتو كۋبوگىنىڭ ءفيناليسى اتاندى. ءتورت مارتە سول مەملەكەتتىڭ پرەمەر-ليگاسىنداعى ەڭ ۇزدىك 33 فۋتبولشىلاردىڭ ساناتىنا ەندى.