كاسىپقوي بوكستاعى قازاقستاننىڭ جارىق جۇلدىزى, ورتا سالماقتاعى IBF جانە IBO تۇجىرىمىنىڭ چەمپيونى گەننادي گولوۆكينمەن جۇمىس ىستەيتىن Mathroom Boxing پرومۋتەرلىك كومپانياسىنىڭ باسشىسى ەددي حيرن GGG مەن كانەلو قاشان جانە قاي قالادا جۇدىرىقتاساتىنىن ايتتى.
«گولوۆكين – شەرەمەتا جەكپە-جەگى تامىز ايىندا, ال كانەلو – سوندەرس ايقاسى قىركۇيەككە جوسپارلانعان. ءارى قاراي وقيعا قالاي وربىمەك؟ ارينە ورتا سالماقتىڭ ەكى مىقتىسى – گولوۆكين مەن كانەلو جەلتوقسان ايىندا رينگتە كەزدەسەدى. جىل سوڭىنا دەيىن تىرشىلىك بۇرىنعىداي قالپىنا كەلىپ, جانكۇيەرلەر ەش كەدەرگىسىز لاس-ۆەگاس قالاسىنداعى ارەناعا كىرەدى دەگەن ۇمىتتەمىن», دەيدى حيرن.
ايتا كەتەيىك, ەكى بوكسشى اراسىنداعى العاشقى ەكى جەكپە-جەك لاس-ۆەگاستا ورنالاسقان T-Mobile Arena سپورت كەشەنىندە ۇيىمداستىرىلعان بولاتىن. ءبىرىنشى كەزدەسۋدە (2017 جىلدىڭ قىركۇيەگى) تەڭ ناتيجە تىركەلسە, ەكىنشى ايقاستا (2018 جىلدىڭ قىركۇيەگى) ازداعان باسىمدىقپەن الۆارەس جەڭىسكە جەتكەن ەدى.