پەتروپاۆلدىڭ پوليتسيا بولىمىنە قالانىڭ تەرى زاۋىتى اۋماعىنداعى ءبىر ۇيدەن كوشەگە ەستىلىپ جاتقان شاڭ-شۇڭ جانجال تۋرالى دابىل كەشكى ساعات 21.00 كەزىندە تۇسكەن.
جانجال ورنىنا پاترۋلدىك پوليتسيا وتباسىلىق جانجالدىڭ اياقتالعان شاعىندا عانا جەتە العان. ءۇي-ىشىندەگى شاشىلعان كورىنىس پەن كورشىلەردىڭ ايتۋىنان مۇندا ارتىق ىشىلگەن اششى سۋدان كەيىنگى لاڭدى سويقاندى ايقىن تانىتىپ تۇرادى. باسقا وتباسى مۇشەلەرى ۇيدە بولعانىمەن ءۇيدىڭ يەسى ورنىندا بولماعان. ونىڭ قايدا كەتكەنىن باسقالارى ايتا المايدى. پاترۋلدىك پوليتسيا قىزمەتكەرلەرى ۇيگە جاپسارلاس سالىنعان سارايدا اسىلىپ تۇرعان ەر ادامدى كورەدى. ول ومىردەن ءوز ەركىمەن اتتانباققا بەل بايلاعانى موينىنا سالعان ارقان مەن استىنا قويعان ورىندىقتان كورىنىپ تۇرادى. ونىڭ ۇستىنە ونى كۇشپەن اسىپ ولتىرۋگە ۇيدەگى ماس ايەلدىڭ ءالى دە جەتپەس ەدى.
پاترۋلدىك پوليتسيا باتالونىنىڭ قىزمەتكەرلەرى اسحات قۇرماشەۆ جانە رۋسلان قابدولوۆ جەدەل قيمىلداپ, ءالى جانى شىعا قويماسا دا ەس-ءتۇسسىز كۇيدە تۇرعان ونى شەشىپ الادى. سونسوڭ, تولىق ءمان-جايدى انىقتاۋ ءۇشىن وقيعا ورنىنا جەدەل-تەرگەۋ توبى شاقىرتىلدى.
ء«اربىر سەكۋند ماڭىزدى ەدى. ءسال كەشتەۋ كەلگەندە, ەر ادامدى اجالدان امان الىپ قالۋ مۇمكىن بولماس ەدى. ول قاتتى قىزۋ كۇيدە بولعان. وسىنداي ارەكەتكە بارۋىنىڭ سەبەبى دە بەلگىسىز. ءۇي ماڭىندا بولعان كورشىلەرى وتباسىندا جانجال بولعانى تۋرالى ايتتى», - دەيدى قالالىق پوليتسيا باسقارماسى پاترۋلدىك پوليتسيا باتالونى ۆزۆود كومانديرىنىڭ ورىنباسارى, پوليتسيا اعا لەيتەنانتى اسحات قۇرماشەۆ.
ءسويتىپ, پاترۋلدىك پوليتسيا ءبىر ادامدى ولىمنەن الىپ قالدى.
پەتروپاۆل