نۇر-سۇلتاندا 2020 جىلى كولىكتەر قاتىناي الاتىن ەكى كوپىردىڭ قۇرىلىسى اياقتالادى. بۇل قالانىڭ كولىك جەلىسىن ەداۋىر جەڭىلدەتۋگە مۇمكىندىك بەرەدى. ەلوردا اكىمى التاي كولگىنوۆ ەسىل وزەنى ارقىلى وتەتىن كوپىر قۇرىلىسى بارىسىمەن تانىستى. بۇل تۋرالى قالا اكىمدىگىنىڭ رەسمي سايتى حابارلادى.
كوپىر قۇرىلىسى بيىل اياقتالادى. وڭ جانە سول جاعالاۋدى قوساتىن كوپىر (ەسىل وزەنى ارقىلى) ماڭگىلىك ەل داڭعىلى, ج. ناجىمەدەنوۆ, ا. بايتۇرسىنوۆ, ر. قوشقارباەۆ كوشەلەرىندەگى, نوۆا سيتي كەشەنىندەگى, «مىڭجىلدىق» اللەياسىنداعى شامادان تىس جۇكتەمەنى ازايتۋعا, جاڭا «نۇرلى جول» ۆوكزالىنىڭ قولجەتىمدىلىگىن ارتتىرۋعا مۇمكىندىك بەرەدى. كوپىرلەردىڭ سانىن ارتتىرۋدى ەل باسشىلىعى تاپسىردى.
بيىل نۇرا – ەسىل ارناسى ارقىلى ۇلى دالا داڭعىلىنداعى كوپىردىڭ قۇرىلىسى اياقتالادى. سونىمەن بىرگە, ەسىل وزەنى ارقىلى تاۋەلسىزدىك داڭعىلىندا جاڭا ۆانتتىق كوپىردى سالۋدى جوسپارلاپ وتىرمىز.
سونىمەن قاتار, ەلوردادا جول جۇمىستارى جۇرگىزىلىپ جاتىر. بيىل جالپى ۇزىندىعى 100 كم بولاتىن 150 كوشە جوندەلىپ, كەيبىرەۋى جاڭادان سالىنادى.