جۋىردا عانا تاراز قالاسىنداعى جازعى قوعامدىق تاماقتانۋ ورىندارى, شاشتاراز, سۇلۋلىق سالونى, كەيبىر ساۋدا نۇكتەلەرى سياقتى بىرقاتار نىساندارعا جۇمىسىن باستاۋعا رۇقسات بەرىلگەن ەدى. الايدا, باستى تالاپ – كارانتين رەجيمىن قاتاڭ ساقتاۋ, تۇرعىنداردىڭ قاۋىپسىزدىگىن مەيلىنشە قامتاماسىز ەتۋ ەدى. وسى ورايدا, بۇگىن تاراز قالاسى اكىمدىگىنىڭ باستاماسىمەن قالاداعى ب.مومىش ۇلى كوشەسىنىڭ بويىندا ورنالاسقان ساۋدا ورىندارىنا رەيد جۇمىستارى جۇرگىزىلدى.
زەردەلەۋ جۇمىستارىنىڭ ناتيجەسىندە كوپتەگەن جاعدايدا كارانتين تالاپتارى ساقتالماعان بولىپ شىقتى. كارانتين تالاپتارىن ساقتاماعان ازاماتتارعا حاتتاما تولتىرىلىپ, زاڭ اياسىندا شارا قولدانىلدى.
سول سياقتى, تاراز قالاسىنداعى ب.مومىش ۇلى كوشەسىنىڭ بويىندا ورنالاسقان «مىڭبۇلاق», «ديانا», «ايرىلماس», «زارينا» جانە «گاۋحار» ساۋدا ورتالىقتارىنا دا رەيد جۇمىستارى جۇرگىزىلدى. مۇندا دا كارانتين تالاپتارىن ساقتاماعان ازاماتتار انىقتالىپ, ناتيجەسىندە ولارعا حاتتاما تولتىرىلدى. ولارعا دا زاڭ اياسىندا شارا قولدانىلاتىن بولادى.
جامبىل وبلىسى