قۇرلىقتىق حوككەي ليگاسىندا باق سىنايتىن ەلوردانىڭ «بارىس» كلۋبى ءۇش سپورتشىمەن كەلىسىمشارتىن ۇزارتتى.
2016 جىلدان بەرى «بارىس» ساپىندا ويناپ كەلگەن قورعاۋشى ەگور شالاپوۆ ەلوردا كومانداسىندا تاعى ەكى جىل ونەر كورسەتەتىن بولدى. قحل-ءدىڭ وتكەن ماۋسىمىندا 60 ويىنعا قاتىسقان شالاپوۆ ءبىر شايبا سوعىپ, 10 رەت ناتيجەلى پاس اسىرعان. سونىمەن قاتار قاقپاشى حەنريك كارلسسونمەن بىرجاقتى كەلىسىم جاسالدى. حەنريك 2021 جىلدىڭ 30 ساۋىرىنە دەيىن «بارىس» قاقپاسىن قورعايدى.
ال 2017/18 جانە 2018/19 جىلعى ماۋسىمدا «بارىس» قۇرامىندا ويناعان شابۋىلشى مەتت فرەتتين كلۋبقا قايتا ورالدى. ول دا 2021 جىلدىڭ 30 ساۋىرىنە دەيىن ەلوردالىقتار قاتارىندا بولماق.