ۋاقىت تالابىنا ساي ءومىر قاجەتتىلىگىن وتەۋدە دە جەتىسۋلىق ايەلدەر كوش باستاپ وتىر. سونىڭ ناقتى دالەلى رەتىندە تالدىقورعاندا «ساياسي قوزعالىستاعى ايەلدەردىڭ جاڭا مۇمكىندىكتەرى» اتتى كونفەرەنتسيانىڭ وتكەنىن ايتۋعا بولادى. ەكى كۇنگە سوزىلعان يگى شارانى رەسپۋبليكالىق دەڭگەيدە ۇيىمداستىرىپ, حالىق جادىندا ساقتالاتىنداي ەتىپ وتكىزۋگە قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆا مەن قازاقستان ءىسكەر ايەلدەر قاۋىمداستىعىنىڭ پرەزيدەنتى راۋشان سارسەمباەۆا ۇيىتقى بولدى.
ۋاقىت تالابىنا ساي ءومىر قاجەتتىلىگىن وتەۋدە دە جەتىسۋلىق ايەلدەر كوش باستاپ وتىر. سونىڭ ناقتى دالەلى رەتىندە تالدىقورعاندا «ساياسي قوزعالىستاعى ايەلدەردىڭ جاڭا مۇمكىندىكتەرى» اتتى كونفەرەنتسيانىڭ وتكەنىن ايتۋعا بولادى. ەكى كۇنگە سوزىلعان يگى شارانى رەسپۋبليكالىق دەڭگەيدە ۇيىمداستىرىپ, حالىق جادىندا ساقتالاتىنداي ەتىپ وتكىزۋگە قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ابدىقالىقوۆا مەن قازاقستان ءىسكەر ايەلدەر قاۋىمداستىعىنىڭ پرەزيدەنتى راۋشان سارسەمباەۆا ۇيىتقى بولدى.
كونفەرەنتسيادا الدىمەن مىنبەگە كوتەرىلگەن گۇلشارا ابدىقالىقوۆا جەتىسۋ وڭىرىندەگى بىلگىر دە ىسكەر ايەلدەرمەن ءجۇزدەسكەنىنە قۋانىشتى ەكەنىن ايتا كەلىپ, الماتى وبلىسىنىڭ ءبىرقاتار جەتىستىكتەرىن تىلگە تيەك ەتتى.
«بۇگىندە «قازاقستان-2050» ستراتەگياسى شەڭبەرىندە الدىمىزعا قويىلعان مىندەتتىڭ ءبىرى ادامي قاپيتالدى جانە ەكونوميكالىق, قۇقىقتىق ينستيتۋتتاردىڭ ءتيىمدى جۇيەسىن قۇرۋ بولىپ تابىلادى. مەملەكەت پەن ازاماتتىق قوعامنىڭ, بيلىك پەن بيزنەستىڭ اراسىنداعى بايلانىستى دامىتۋ, سونداي-اق, گەندەرلىك تەڭدىكتى نىعايتۋ ارقىلى ساياسي جۇيەنى ودان ءارى جاڭعىرتۋ», دەدى الماتى وبلىسى اكىمىنىڭ مىندەتىن اتقارۋشى اماندىق باتالوۆ.
كورگەن جاننىڭ كوزىن تويدىرىپ, ادەمىلىكتەرىمەن ءايبات اسەرگە دە بولەگەن جەتىسۋلىق قىز-كەلىنشەكتەر مەملەكەتتىك قىزمەتتە عانا ەمەس, بيزنەس سالاسىندا دا جاقسى جەتىستىكتەرگە جەتكەندىگىن بۇگىنگى كونفەرەنتسيا وتكىزىلگەن وبلىستىق ورتالىق مادەنيەت سارايى دالىزىندە ارنايى ۇيىمداستىرىلعان كورمەدە دە كورسەتە ءبىلدى. ازىق-ت ۇلىك ونىمدەرىمەن قاتار, پوليتسيا, ءتوتەنشە جاعدايلار جانە اسكەري قىزمەتكەرلەرگە ارنايى تىگىلگەن فورمالارى جاۋىن-شاشىن مەن اپتاپ ىستىقتا ءوڭىن بۇزبايتىن شىدامدى ماتەريالداردان ساپالى تىگىلۋى ءتانتى ەتسە, ۇلتتىق ۇلگىدە بۇلدىرشىندەرگە ارناپ تىگىلىپ ءھام توقىلعان اياق كيىمدەرى ىسمەر ايەلدەر ىسكەرلىگىنە ءسۇيسىنتتى.
نۇربول الدىباەۆ,
«ەگەمەن قازاقستان».
الماتى وبلىسى.