قىتاي دارىگەرلەرى مەديتسينا سالاسىندا بۇرىن-سوڭدى بولماعان توسىن جاڭالىققا بارۋى ارقاسىندا تاپ ماڭدايىنا مۇرىن قونا سالعان ءبىر جاس جىگىت پايدا بولدى. اسپاناستى ەلىنىڭ وتاشىلارى وزدەرىنە قارالۋعا كەلگەن ناۋقاسقا جوعارىداعىداي مۇرىن ءوسىرىپ بەردى.
قىتاي دارىگەرلەرى مەديتسينا سالاسىندا بۇرىن-سوڭدى بولماعان توسىن جاڭالىققا بارۋى ارقاسىندا تاپ ماڭدايىنا مۇرىن قونا سالعان ءبىر جاس جىگىت پايدا بولدى. اسپاناستى ەلىنىڭ وتاشىلارى وزدەرىنە قارالۋعا كەلگەن ناۋقاسقا جوعارىداعىداي مۇرىن ءوسىرىپ بەردى.
جاسى بۇگىندە 22-گە ەندى تولىپ وتىرعان سياوليان ەسىمدى بۇل جىگىت 2012 جىلدىڭ تامىز ايىندا جول اپاتىنا ۇشىراپ, مۇرنىن جاراقاتتاپ العان ەكەن. ءبىراز ۋاقىتتان سوڭ جاس جىگىتتىڭ اعزا تىندەرى جانسىزدانىپ, تىنىس الۋى ناشارلاي باستايدى. دەر مەزگىلىندە دارىگەرگە كورىنۋگە اسىقپاعان ول جاعدايىنىڭ قيىنداي تۇسكەنىن سەزىپ, اقىرى اۋرۋحاناعا كەلەدى.
تەكسەرۋ ناتيجەسىندە ونىڭ مۇرىن شەمىرشەگىنىڭ شىرىگەنى جانە جارامسىز ەكەنى انىقتالدى. سوسىن دارىگەرلەر كەڭەسە كەلە, شەمىرشەكتى ناۋقاستىڭ قابىرعاسىنان الىپ, ونى جاس جىگىتتىڭ ماڭدايىنا ورناتىپ بەردى. بۇگىندە جاساندى مۇشە تولىق جەتىلىپ, قالىپتاسقان.
جۋىق ارادا دارىگەرلەر ونى ءوز ورنىنا قويۋدى جوسپارلاپ وتىر.
ايدىن ارىس.