ەرەجەسىز جەكپە-جەكتەگى ەڭ بەلدى ۇيىم - UFC-ءدىڭ ايەلدەر سايىسىندا كۇش سىناسۋ قۇرمەتىنە يە بولعان تۇڭعىش قازاقستاندىق سپورتشى ماريا اگاپوۆانىڭ كىممەن ايقاساتىنى بەلگىلى بولدى.
جەرلەسىمىز ءوزىنىڭ تۇساۋكەسەر كەزدەسۋىن 13 ماۋسىمدا اقش-تا مەليسسا گاتتوعا قارسى وتكىزەدى. 24 جاستاعى برازيليالىق ارۋدىڭ وسى سپورت ءتۇرىن سەرىك ەتكەلى ءتورت جىلدان استى. سول ارالىقتا سەگىز كەزدەسۋ وتكىزىپ, التى رەت جەڭىسكە جەتتى. ەكى باسەكەدە تەڭ ەسەپ تىركەلدى. سوڭعى رەت گاتتو 2018 جىلدىڭ 28 قىركۇيەگىندە كارولين روزا كاۆەدونى ايقىن باسىمدىقپەن ۇتتى.
ال 23 جاستاعى ماريا اگاپوۆا بەس جىل ارالىعىندا توعىز مارتە وكتاگونعا شىعىپ, سەگىز رەت جەڭىس تويىن تويلادى. بىلتىرعى جىلدىڭ وزىندە ءۇش جەكپە-جەك وتكىزىپ ۇلگەردى. جازدا ول امەريكالىق ترەيسي كورتەزدەن ۇپاي سانىمەن ۇتىلسا, كۇزدە اقش-تىڭ تاعى ءبىر وكىلى الەكسا كوننەرس پەن برازيليالىق ماريليا سانتوسقا سان سوقتىردى. بۇل باسەكەلەردىڭ ەكەۋى دە مەرزىمىنەن بۇرىن اياقتالدى.