گاۋھاردىڭ جاس بولسا دا ومىردەن تۇيگەن ءبىر قاعيداسى بار. ول – العا تالپىنۋ, ەڭبەك ەتۋ. ول مۇنى اۋىلدا بالا كەزىنەن جۇمىس ىستەپ وسكەندىگى بولار دەپ تۇيەدى. مەكتەپتى بىتىرگەن سوڭ, استانادا تۇراتىن اعالارىنا باردى. سوندا قاراعاندى ەكونوميكالىق ۋنيۆەرسيتەتى فيليالىنىڭ بۋحگالتەر جانە اۋديت فاكۋلتەتىنە وقۋعا ءتۇستى. ديپلومىن العان سوڭ جۇمىستىڭ رەتىنە قاراي الماتى, قوستاناي قالالارىندا تۇردى. بىراق اۋىلدان كەتسە دە, گاۋھار اتا-اناسىن, تۋعان ءۇيىن ءجيى ويلاي بەرەتىن. ءوزىنىڭ الدىنداعى, كەيىنگى باۋىرلارى مەكتەپتى بىتىرگەن سوڭ وقۋعا كەتتى, ودان ارقايسىسى ءوز الدىنا ءۇيلى-باراندى بولدى. سولاردىڭ اراسىندا اتا-اناسىنا كوبىرەك قولقابىسىن تيگىزگەن دە ءوزى ەكەن. سوندىقتان بولار, ولارعا تىم باۋىر باسقان. سىرتتا جۇرسە دە ەسىنەن ءبىر شىقپايدى. 2010 جىلى ءوزىنىڭ سۇيىكتى اكەسى ادىلبەكتەن كوز جازىپ قالدى. بۇل قايعى اناسىنا دا, وزىنە دە اۋىر ءتيدى. استانادا ىستەپ جۇرگەن جۇمىسىن تاستاپ, سوناۋ شالعايدا جاتقان قامىستىسىنا قايتىپ كەلدى, اناسىنىڭ قاسىندا بولدى. ۇيدە قاراپ وتىرا بەرۋگە گاۋھاردىڭ ءداتى شىدامادى. ءتىرى ادام تىرشىلىگىن جاساۋى كەرەك ەكەن. اناسىنىڭ زەينەتاقىسىنا قاراۋدىڭ ءوزى ۇيات-اۋ... ەڭبەكسىز قاراپ وتىرۋ – گاۋھاردىڭ بويىنا سىيىسپايتىن مىنەز. بىراق وعان الاقانداي اۋدان ورتالىعىندا بۋحگالتەرلىك جۇمىستى كىم بەرە قويادى؟ وسىلاي ءارى-ءسارى جۇرگەن كەزدە «جۇمىسپەن قامتۋدىڭ جول كارتاسى-2020» باعدارلاماسى تۋرالى ەستىدى. اسپازدىق ماماندىقتى يگەرۋگە جازىلدى.
گاۋھاردىڭ جاس بولسا دا ومىردەن تۇيگەن ءبىر قاعيداسى بار. ول – العا تالپىنۋ, ەڭبەك ەتۋ. ول مۇنى اۋىلدا بالا كەزىنەن جۇمىس ىستەپ وسكەندىگى بولار دەپ تۇيەدى. مەكتەپتى بىتىرگەن سوڭ, استانادا تۇراتىن اعالارىنا باردى. سوندا قاراعاندى ەكونوميكالىق ۋنيۆەرسيتەتى فيليالىنىڭ بۋحگالتەر جانە اۋديت فاكۋلتەتىنە وقۋعا ءتۇستى. ديپلومىن العان سوڭ جۇمىستىڭ رەتىنە قاراي الماتى, قوستاناي قالالارىندا تۇردى. بىراق اۋىلدان كەتسە دە, گاۋھار اتا-اناسىن, تۋعان ءۇيىن ءجيى ويلاي بەرەتىن. ءوزىنىڭ الدىنداعى, كەيىنگى باۋىرلارى مەكتەپتى بىتىرگەن سوڭ وقۋعا كەتتى, ودان ارقايسىسى ءوز الدىنا ءۇيلى-باراندى بولدى. سولاردىڭ اراسىندا اتا-اناسىنا كوبىرەك قولقابىسىن تيگىزگەن دە ءوزى ەكەن. سوندىقتان بولار, ولارعا تىم باۋىر باسقان. سىرتتا جۇرسە دە ەسىنەن ءبىر شىقپايدى. 2010 جىلى ءوزىنىڭ سۇيىكتى اكەسى ادىلبەكتەن كوز جازىپ قالدى. بۇل قايعى اناسىنا دا, وزىنە دە اۋىر ءتيدى. استانادا ىستەپ جۇرگەن جۇمىسىن تاستاپ, سوناۋ شالعايدا جاتقان قامىستىسىنا قايتىپ كەلدى, اناسىنىڭ قاسىندا بولدى. ۇيدە قاراپ وتىرا بەرۋگە گاۋھاردىڭ ءداتى شىدامادى. ءتىرى ادام تىرشىلىگىن جاساۋى كەرەك ەكەن. اناسىنىڭ زەينەتاقىسىنا قاراۋدىڭ ءوزى ۇيات-اۋ... ەڭبەكسىز قاراپ وتىرۋ – گاۋھاردىڭ بويىنا سىيىسپايتىن مىنەز. بىراق وعان الاقانداي اۋدان ورتالىعىندا بۋحگالتەرلىك جۇمىستى كىم بەرە قويادى؟ وسىلاي ءارى-ءسارى جۇرگەن كەزدە «جۇمىسپەن قامتۋدىڭ جول كارتاسى-2020» باعدارلاماسى تۋرالى ەستىدى. اسپازدىق ماماندىقتى يگەرۋگە جازىلدى.
– قوستانايداعى يندۋستريالىق-پەداگوگيكالىق كوللەدجدە ءۇش اي اسپازدىققا وقىپ كەلدىم. باعدارلاما شەڭبەرىندە جولاقىم, تۇرعان ورنىم تەگىن, ونىڭ ۇستىنە ستيپەندياسىن ايتپايسىز با؟ ايەل ادامعا اسحانا سىرىن جاقسى ءبىلۋ ەڭ ءبىرىنشى پارىز. مەن وسىنى ويلادىم, ونىڭ ۇستىنە اسپازدىق ونەر ماماندىعىما اينالسا, ول ارقىلى ناپاقامدى تاپسام عانيبەت ەمەس پە؟ مۇنداي مۇمكىندىكتى كىم جاسار ەدى ماعان؟ – دەپ اعىنان جارىلدى گاۋھار.
ول ءۇش ايلىق كۋرستان كوپ نارسە ۇيرەندى. قامىردىڭ ءتۇر-ءتۇرىن اشىتاتىن بولدى. نانعا, ءتاتتى توقاشقا, باۋىرساققا, ءبالىشكە اشىتىلاتىن قامىردىڭ ارقايسىسى ءارتۇرلى تاسىلمەن دايىندالادى. ال ۇيدە بولسا وسىنىڭ اراجىگى ونشالىقتى اجىراتىلىپ جاتپاسى انىق. گاۋھار اسپازدىقتىڭ ونەر ەكەنىن ءتۇسىنىپ قايتتى. جىلدىڭ قاي مەزگىلىندە بولسىن سالما-سۋ پىسىرمەيتىن ءۇي كەم دە كەم. وعان سالاتىن قامىردى ءار ايەل ءارتۇرلى ەتىپ تىلەدى. ءوزىنىڭ ۇيىندە دە بۇل تاعام ءتۇرى ءجيى پىسىرىلەتىن. قانداي تاماقتىڭ دا دامدىلىگىمەن قاتار, داستارقانعا قويعانداعى سىرتقى كوركىندە دە كوپ ءمان بار. ول ادامنىڭ تابەتىن اشىپ تۇرۋى كەرەك. ەتتى دە سورتقا ءبولىپ, ونىڭ ءپىسىرۋ, قايناتۋ, قۋىرۋ سىرلارىن مەڭگەرىپ الدى. جاس قىز وسىنىڭ بارلىعى دا بۇگىن وزىنە جۇمىس, ەرتەڭگى بۇكىل ومىرىنە ازىق ەكەنىن جاقسى سەزىنەدى. قولىنا اسپاز ماماندىعىنىڭ كۋالىگىن الىپ شىقتى.
گاۋھار تۇردىعاليەۆا كۋرستى بىتىرگەن سوڭ ءبىر ايدىڭ ىشىندە, ياعني شىلدە ايىنىڭ اياعىندا قامىستى اۋدانىنداعى «قايرات» جشس-گە اسپاز بولىپ ورنالاستى. مۇنداعى ارىپتەستەرىمەن بىرگە جۇمىسشىلارعا تۇستىك, كەشتىك تاماق دايىندايدى. كۋرستا ۇيرەنگەن اسپازدىق ونەرىن سالعاننان كەيىن, ول دا يىنداعان تاماقتىڭ قايسىسى بولسا دا ءتىل ۇيىرەدى. جۇمىستان شارشاپ كەلىپ, داستارقانعا وتىرعان جۇمىسشىلار اسپازدارعا راحمەتىن ايتىپ جاتادى.
– كوپشىلىك جاستار جۇمىسسىز بوس جۇرەدى. جۇمىس تابىلمايدى ەمەس, ولار بارمايدى. تالپىنعان جانعا ارقاشان دا جۇمىس بار. ەگەر مەن جوعارى ءبىلىمىم بار, بۋحگالتەر بولۋىم كەرەك دەپ ۇيدە وتىرا بەرگەنىمدە, وسى كۇنگە دەيىن جۇمىسسىزدار قاتارىندا بولار ەدىم. باعدارلامانىڭ ارقاسىندا مەن از عانا ۋاقىتتىڭ ىشىندە جاڭا ماماندىق يگەرىپ الدىم. كىم ۇتتى؟ مەن ۇتتىم, ارينە! مۇمكىندىكتى پايدالانۋ كەرەك,–دەيدى گاۋھار قۋانىشپەن.
گاۋھاردىڭ ويىنشا جاستار قازىرگى ۋاقىتتا قولىنان كەلگەنشە, ۋاقىتىنىڭ جەتكەنىنشە ماماندىقتاردى يگەرۋ كەرەك. قازاق «قولى قيمىلداعاننىڭ – اۋزى قيمىلدايدى» دەمەي مە؟ ويتكەنى, بۇل نارىق كەزى. ءوزى ءارى بۋحگالتەر, ءارى اسپاز. وعان جۇمىس تابۋ مۇمكىندىگى ۇلعايدى. ەندى ول ماسساجيست, ءۇزۋشى ماماندىعىن دا يگەرىپ الۋدى ويلاپ ءجۇر ەكەن.
ادامدارمەن تەز ارالاسىپ كەتەتىن, مىنەزى اشىق قىز اسحانا مەڭگەرۋشىسىنە جاز ايلارىندا كوكونىستى كوبىرەك پايدالانۋدى ۇسىندى. قانداي تاماق پىسىرىلسە دە گاۋھار ونى كوك پياز, اسكوك, اقجەلەك سياقتى استىڭ ءدامىن كەلتىرەتىن اس شوپتەرمەن بەزەندىرىپ جاتقانى. جۇمىسشىلار اسحاناسىنىڭ كوركى دە, ءدامى دە مەيرامحانالار داستارقانىنان كەم سوقپايدى. اسپازدار گاۋھاردىڭ ەلگەزەكتىگىمەن قاتار, اسپازدىق ماماندىققا دەگەن ىنتاسىنا سۇيسىنەدى. ادامدى العا سۇيرەيتىن ىنتا ەكەنىن جاسى ودان الدەقايدا ۇلكەن اسپاز اۋىلداستارى ەندى تۇسىنگەندەي سۇيسىنە قاراپ قالعانىن بايقاي بەرمەيدى.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى,
قامىستى اۋدانى.