قازاق ەلى ءوزىنىڭ تاعى ءبىر باتىر ۇلىن اقتىق ساپارعا شىعارىپ سالدى. الماتى قالاسىنداعى اباي اتىنداعى قازاق وپەرا جانە بالەت تەاترى عيماراتىندا قالا حالقى مەن قوناقتارى كورنەكتى مەملەكەت جانە قوعام قايراتكەرى, كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ العاشقى قورعانىس ءمينيسترى, ارميا گەنەرالى ساعادات نۇرماعامبەتوۆپەن قوشتاستى.
قازاق ەلى ءوزىنىڭ تاعى ءبىر باتىر ۇلىن اقتىق ساپارعا شىعارىپ سالدى. الماتى قالاسىنداعى اباي اتىنداعى قازاق وپەرا جانە بالەت تەاترى عيماراتىندا قالا حالقى مەن قوناقتارى كورنەكتى مەملەكەت جانە قوعام قايراتكەرى, كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ العاشقى قورعانىس ءمينيسترى, ارميا گەنەرالى ساعادات نۇرماعامبەتوۆپەن قوشتاستى.
مەملەكەتىمىزدىڭ قورعانىس سالاسىنا وراسان زور ەڭبەك سىڭىرگەن قايراتكەردى سوڭعى ساپارعا شىعارىپ سالۋعا پرەمەر-ءمينيستردىڭ ءبىرىنشى ورىنباسارى – وڭىرلىك دامۋ ءمينيسترى باقىتجان ساعىنتاەۆ, پارلامەنت ءماجىلىسىنىڭ توراعاسى نۇرلان نىعماتۋلين, قاۋىپسىزدىك كەڭەسىنىڭ توراعاسى قايرات قوجامجاروۆ, ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆ, قورعانىس ءمينيسترىنىڭ ءبىرىنشى ورىنباسارى ساكەن جاسۇزاقوۆ, الماتى قالاسىنىڭ اكىمى احمەتجان ەسىموۆ باستاعان قوعام جانە مەملەكەت قايراتكەرلەرى كەلدى.
جيىلعان كوپشىلىك الدىندا ب.ساعىنتاەۆ ەلباسى نۇرسۇلتان نازارباەۆتىڭ بۇيرىعىمەن ساعادات نۇرماعامبەتوۆتى اقتىق ساپارعا شىعارىپ سالۋ ىسىمەن اينالىساتىن ۇكىمەتتىك ارنايى كوميسسيانىڭ قۇرىلعاندىعىن جانە سول كوميسسيانىڭ جەتەكشىسى رەتىندە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ مارقۇمنىڭ وتباسىنا جانە تۋعان-تۋىستارىنا جولداعان كوڭىل ايتۋ حاتىن وقىپ بەردى.
مەملەكەت باسشىسىنىڭ كوڭىل ايتۋ حاتى وقىلعاننان كەيىن ساعادات نۇرماعامبەتوۆتىڭ قارۋلاس دوستارى مەن اسكەري سالادا تاربيەسىن كورگەن شاكىرتتەرى قوشتاسۋ ءسوزىن ايتىپ, قازاق ەلى ساعادات نۇرماعامبەتوۆتى ەشقاشان ۇمىتپايتىنىن, تەك اسكەريلەر عانا ەمەس, كۇللى قازاقستاندىقتار ول كىسىنىڭ ەڭبەگى مەن ەرلىگى الدىندا باس يەتىنىن جەتكىزدى.
ءبىر ءسات قالا كوشەلەرىندەگى قوزعالىس توقتاتىلىپ, ارداگەردىڭ دەنەسى سالىنعان اسكەري ماشينە سوڭىنان ساپ تۇزەگەن قالىڭ قاۋىم ازا كۇيىنىڭ سۇيەمەلىمەن تاۋ بوكتەرىندەگى زيراتقا جول تارتتى. اسكەري بولىمدەردىڭ ساربازدارى مەن اسكەري مەكتەپتەردىڭ تۇلەكتەرى قارالى شەرۋدىڭ جولىنا گۇل توسەپ, ەرلىگىمەن ەلىنە قىزمەت ەتكەن ەرگە لايىقتى قۇرمەت كورسەتتى. قازاقتىڭ قاھارمان ۇلىمەن قوشتاسۋ ءراسىمى بارىسىندا Royal Tulip اlmaty مەيرامحاناسىندا اس بەرىلىپ, مارقۇمنىڭ رۋحىنا قۇران باعىشتالدى.
قانات ەسكەندىر,
«ەگەمەن قازاقستان».
الماتى.